يا حسرة عليك يا أمي
جريدة أخبار العالم مكتب تونس
متابعة عبدالله القطاري
للشاعر والفنان التشكيلي/محمد القماطي من الهوارية ولاية نابل -تونس-
ياحسرة عليك يا امي
انعم انت يا جنات
كيف كنت اتهد و اترد
و في الزنقة صوتك شعلات
ما كيفك في الحومة حد
زينك بين النسوة و لخيات
و صلات النبي على القد
هبل و طير عقل الرجيجلات
و صحة لراجل احمد
الي فاز بيك يا جنات
انت مراءة و عليك الكلام
ذرع و قيمة ما كيفها حد
الضحكة و القبول و السلام.
والعزم كيف اجد الجد
انت امي محلاك
خسارة الدهر هدك هد
وينو صوتك في الصخرات
وينهي خلالتك ادق دق
وينهي بهجتك في الجنينات
و ضحتك معى الحاج اعمر
يا حسرة على الايامات
كيف طارت كيف البرق
قعدت في الذهن ذكريات
ساعات يتفكرها حد…
يوم عليك و يوم عليا
و الدور على الناس الكل
يا حسرة عليك يا جنات
كيف كنت اترد و اتهد
…………..
محمد القماطي …وذرف…
