فراڨك مر مرارة
للشاعر الشعبي الشاب / شوقي الجبنوني أصيل حفوز القيروان من الشعراء المشاركين في الأمسية الشعرية التي نظمتها بلدية حي الزهور سوسة يوم 20مارس 2019.
معاد فيه حرارة
من يومها تفارڨنا
وصلك خبر بشارة
جاك الجواب منظم
مختوم بالأمارة
فراڨك ما مره
وليوم صرتي حرة
ماعدتي إنت الڨمرة
ماعدتي إنت الدرة
بڨلبي نادست الجمرة
تشعل لهيبة حمرة
شاحو دموع عيوني
فكرتهم بالسمرة
وفراڨك صار صعيب
إنت إلي فارڨتيني
ملڨيتي كيفي حبيب
سيلتي دمعة عيني
صار الرجوع صعيب
صرت نحلف بديني
كانش ضفرني الشيب
وتجيني وتناجيني
ويجيني دواك ونطيب
وترجعي تحبيني
حبك في ڨلبي موجة
وسط البحر تتمايل
غرڨو أناي عيوني
بين الدمع السايل
تشڨ اللسان بطولو
بالصمت ماني ڨايل
حبك
غدرني جرحني
في الحب ماني فالح
نشبه دموع عيوني
بماء البحر المالح
شوقي الجبنوني
4مارس 1986
القيروان حفوز
