المؤسسة المصرية للإعلام والتنمية وحقوق الإنسان
النهارده راح مننا 11 بطل مقاتل.. استشهدوا وهما بيدافعوا عن أرضهم وعرضهم، لسه أهاليهم معرفوش، وفي الوقت الحالي في ألوفات من الأهالي ماسكين قلوبهم بإديهم ليكون إبنهم ضمن الـ 11 بطل.
فبلاش نطاعة وتشكك في قدرات القوات المسحلة وتقول 11 مرة واحده وازاي إحباط المحاولة واستشهد 11، حضرتك عندك معلومة الهجوم حصل إزاي ؟ طب تم استهدافهم بكم تكفيري ؟ أكيد لأ .. يبقى اللي تعمله تترحم على الناس اللي ماتت علشان تحميك وتسكت وتوفر كلامك وتعليقاتك التافهة لنفسك.
رداً على أسئلة من نوعية الجيش كان فين وازاي سايب التكفيرين دولا وهل الإرهاب لسه موجود في سينا..
الإرهاب لا يمكن القضاء عليه بنسبة 100% ، ودا لسبب بسيط ان الإرهاب هو مبني في الأساس على فكر واعتقادر، فحتى لو تم السيطرة الأمنية بالكاملة ومفيش أي عمليات ارهابية بتحصل الإرهاب في الخلاية النايمة ما زال موجود، بدليل إننا في اخر سنتين عدد العمليات اللي قدرو ينفذوها تتعد على صوابع إيد واحده مقابل 222 عملية إرهابية في عام 2014 و 594 عملية في 2015 وأخيراً عمليتين بس في 2019.
الخلايا النايمة بتعيش وسطنا لسنوات من غير ما نعرفهم وبيستغلو أي وقت مناسب ممكن يعملوا فيه أي عملية علشان يثبتوا نفسهم وإنهم لسه موجودين وما هي إلا حلاوة روح ليهم!
ربنا يرحم شهدائنا ويشفي المصابين على خير.
