الحرب_على_العرب_والهدف_مصر
كتب /ايمن بحر
القوات المسلحة تقوم بتأسيس قواعد عسكرية جديدة على سواحل البحر المتوسط والبحر الأحمر.. ليه ؟ عشان “بتوع رابعة” ولا علشان شوية الخرفان اللى ف البلد ؟ طبعًا لأ ..
شبكات الطرق ومحطات التحلية ومحطات الكهربا والمزارع والأكل والإكتفاء الذاتي . محصول الجيش ومزارع السمك . ليه ؟
الموضوع مش طرق ولا مواصلات ولا عاصمة جديدة ولا توفير “جمبري” للمواطنين من مزارع جديدة والسعي لاكتفاء ذاتي من القمح لمجرد إن دي واجبات على الدولة..
الجيوش بتبقي عبء هائل على الإقتصاد وقت الحرب . لأن القوات دي وقتها بتستهلك وبس . فبتشح السلع و أسعارها ترتفع بجنون ..
فكده لما تزرع و يبقى عندك اكتفاء لما قواتك نفسها تنتج تبقى مستعدة تأكّل نفسها مستعدة لحرب .
الحرب دي بيحاولوا يجرونا ليها من أول يوم.. تحرش في اليمن.. مناوشات في سوريا.. مشاكل في البحر المتوسط.. مضايقات في باب المندب .. مشاكل في الحدود الغريية..
وإحنا مش بننجر بسذاجة زي ما هم متخيلين لمعارك دون إرادتنا..
مصر من أول الربيع الأسود و هي عمالة تخمد حرايق في الشرق الأوسط . هم يولعوا و احنا نطفي . وبنستعد .
سلع استراتيجية . طرق تنطلق عليها المركبات والمدرعات وناقلات الجند بسرعة البرق . تطوير هائل في التسليح . حجما ونوعا . أسلحة جديدة حاملات طائرات غواصات وبطاريات دفاع جوي . قمر صناعي عسكري . مفاعل نووي . بنبني مطارات . بندخل تحالفات..
ما سألتش نفسك احنا ليه بنعمل مناورات طول الوقت مع دول مختلفة ؟؟
محدش بيتسلح بالأسلحة و التجهيزات والاستعدادت دي كلها عشان “جماعة رابعة”.. دا كده كيان بيستعد لحرب شاملة..
اللى يبص كويس للطرق و الكبارى إللى اتعملت فى مصر و يدقق فى شكل و مساحة عرض الطرق و إتجاهات ربط الطرق ببعضها .. ها يعرف إنها متصممة لحاجة أكبر من السيارات العادية و النقل .الطرق دى طرق عسكرية من الدرجة الأولى لابد منها وقت الانتشار السريع للجيش وقت الحرب . عدد المطارات الجديدة و شكلها و إعادة تأهيل القواعد العسكرية و إنشاء قواعد جديدة و سباق الزمن لإنجازها و شراء أسلحة جديدة و متطورة فى كل فروع الجيش اللي يدقق كويس هيعرف إن ده إستعداد لحاجة أكبر من مجرد تخطى الأزمة الإقتصادية ..
الداهيه عمر سليمان قالها.. “المواجهة قادمة لا محالة، لكننا نؤجلها حتى نستعد قدر الإمكان..”
ولما مدير مخابرات بعقلية وتاريخ عمر سليمان يقول الكلام ده يبقى أكيد مش بيقوله من فراغ
الحرب جاية جاية . علينا الإستعداد النفسى أولا والإستعداد العسكري والاقتصادي والاجتماعي لأننا ممكن فجأة نلاقى نفسنا فى قلب أتون الحرب ومفيش رجوع ولا هزار
من أهم قواعد الحرب إن عدوك قبل ما يتحرك يتحرك يحسسك بالأمان . إن مفيش حاجة . وإن الدنيا راقت تماما . ومفيش نية حرب . لأن المباغتة في الحرب نصف النصر..
ويبقى أحمق اللي مش سامع قرع طبول الحرب ومش شايف “نية الحرب” حواليه في الشرق الأوسط والعالم..
النية موجودة . بس نية الحرب تختلف عن “قرار الحرب” . يعني تحويل النية دي لإرادة وفعل .
كله بيتسلح و كله بيستعد وكله بيتميز غيظًا من حقول الغاز في المتوسط ،وكلهم حقل “ظهر” تاعبهم نفسيًا..
الكلام ده مش مجرد استنتاج بقوله عشان أخوفك أو ألهيك مثلا عن التفكير في المشاكل اليومية الحياتية المعتادة .. دي أراء خبراء ومتخصصين في مراكز الأبحاث
– شوف مثلا مقال الباحثة والكاتبة الروسية «ماريا بيزتشاسنيا» اللي نشرته فى صحيفة «سفوبودنايا بريسا» الروسية، من ساعات قليلة واللي اتكلمت فيه عن حشد الدول العظمى لقواتها استعدادا لمعركة الموارد فى مياه المتوسط . الأسطول الأمريكي . الأسطول الروسي . الأسطول الفرنسي . وفيه كلام عن سفن صينية كمان
– روسيا من كام يوم بتجري أضخم مناورات عسكرية في تاريخها منذ الحرب العالمية الثانية بقوات بلغ تعدادها 300 ألف مجند كما قامت بإرسال 7 غواصات نووية روسية قبالة سواحل اسرائيل لأول مرة منذ عقود . وطبعا كل ده بالاضافة لتصريحات مجنون الأناضول الاستفزازية الأخيرة . القرد التركي هيتجنن بسبب اللي بنعمله في البحر المتوسط و اتفاقيات ترسيم الحدود والتنقيب عن الغاز . وآخر حاجة جننته هي خط الغاز اللي هيجي من قبرص لمصر عشان تتم إسالته في مصانعنا ليعاد تصديره لأوروبا وعشان كده تصريحاته وتحركاته بتتجه للتصعيد
– وبمناسبة البغل التركي صحيفة «ينى شفق» التركية نشرت مقال هي الأخرى أكدت فيه أن المنطقة هتشهد حرب أكثر عنفا من الحرب الأهلية فى سوريا تحت شعار «الكل ضد الكل» وذكرت أن حشد الأساطيل والسفن الحربية من مختلف البلدان فى المنطقة يزداد أسبوعياً.
– وفيه كلام عن ان الأغا العثمانللي بيحاول امتلاك حاملتى طائرات من إسبانيا على غرار حاملة الطائرات الإسبانية «كارلوس» وتم الاتفاق بالفعل بين البلدين على تصنيع الحاملتين بحيث تتسلمهما تركيا نهاية عام 2020 وبيخطط برضه لامتلاك أكثر من 50 قطعة بحرية متطورة وذات قوة نيرانية غير مسبوقة..!!
المنطقة حوالينا بتغلى بمعنى الكلمة والإنفجار الحربى بسبب الغاز هيحصل فى أي وقت بين كل الدول و الكل هيعجن فى الكل لأن الغاز بالنسبة لأوروبا حياة أو موت . و إللى مكتوب ده مش معلومات عسكرية سرية . كل العالم باصص على بعض و مفيش حاجة بتستخبى إلا الأسرار العليا .
– كل الشواهد دي بتقول انه ثمة شئ خطير يجري الاستعداد له في منطقتنا
بس الحرب دي مش هتمر بلا مقابل . هيدفع ثمنها 100 مليون مصري . من دمهم وحياتهم وولادهم و فلوسهم..
– أي حرب بيعقبها دمار وخسائر مهولة حتى لو كنت أنت الطرف المنتصر .
فخليك عارف إن فيه حدث جسيم . لازم تستعد له
طيب لما نشوف الخبرين دول بس بطعم المهانة
#الخبر_الأول: السفير البريطاني في العراق جون ويكس يقول على صفحته بتويتر إنه دعى سعادة السفير الإيراني في العراق وتباحثا حول أوضاع العراق ثم اتفقا على أن الحكومة العراقية القادمة يجب أن تحسن خدماتها و تقدم وظائف للمواطنين !
#الخبر_الثاني: مصطفى صنع الله رئيس مؤسسة النفط في العاصمة الليبية طرابلس يسافر إلى تونس ليجتمع مع القائم بالأعمال المؤقت بالسفارة الأميركية لدى ليبيا المدعو جوشوا هاريس، ليطلب منه بتوسل أن يتدخل لإعادة الموانئ النفطية لمؤسسة النفط في طرابلس من يد الجيش الوطني في شرق ليبيا.
#الخبرين اللي فوق دول هما المعنى الحرفي للذل والإهانة . هما الترجمة الفعلية لكلمة العار
لما دولة بعظمة و تاريخ و حضارة العراق يتحكم فيها كلاب السكك ويختارولها حكوماتها ويرسموا سياساتها في قعدة صفا.
ولما دولة بمساحة ليبيا وموقعها وثرواتها تتقطع 100 حتة وكل كلب من كلاب السكك عايز يهبش حته منها ويجري
لما جيشك بيقع بيتلم عليك كل الصيع والأوباش وعربجية التاريخ ، ويتباحثوا ويتفقوا و يختارولك كل حاجة حتى اللقمة اللي هتاكلها و الهدمة اللي هتلبسها و بريطانيا تقول و إيران ترسم وتركيا تغنّي وأمريكا تعزف عالعود ومش بعيد حتى قطر بنت الوسخه ( اللي هي كشك عالخليج ) تشد كرسي و تقعد ويبقالها دور .
– لما جيشك بيقع يبقى أي نسناس معدّي في الشارع هيتنطط عليك .
لما جيشك بيقع يبقى أي صرصار حقير هيتسلى عليك
لما جيشك بيقع بتبقى سيادتك على أراضيك مش موجودة و سيادتك في قرارك مش موجودة . يعني باختصار بتبقى سيادتك مش سيادتك .
بنشتري سلاح ليه ؟ و بنحدث جيشنا باستمرار ليه ؟ و ليه بنقف في ضهر جنودنا و ظباطنا ؟ عشان يا نطع مايجيش علينا يوم و نقرا خبر زي اللي فوق ده عن مصر .. عشان مايجيش يوم و يتنطط علينا كلاب السكك والقرود وحتى صراصير البلاعات و يختارولنا لقمتنا وهدمتنا ومعاد نومنا وخط سيرنا وأسماء عيالنا..
نرجع بالذاكره شويه
حين امسك ضابط المخابرات القطرى بالزعيم الليبى معمر القذافي وغرس سكينه في مؤخرته حتى نزف القذافى دما من فمه .. قائلا له “هذه من سيدك حمد ” فقتل على اثرها القذافي بهذه الوحشية لم اذكر ان تحرك حينها ضمير العالم .كما يحدث مع قضية مقتل خاشقجي .
حيث وقف العالم على قدميه من اجل مقتل ارهابي وعميل سي اي ايه سابق كان يقاتل بجانب بن لادن والظواهري في افغانستان ..بل حتى في ايامه الاخيرة كان يدعم علنا قطع داعش لرؤوس افراد من الجيش السوري.
ما الفرق بين الواقعتين
الفرق هو القوة الناعمة . اي الاعلام .
في الحالة الاولى تمت شيطنة مسبقة للقذافي اعلاميا .. فصار قتله بهذه الطريقة مباح في عقل المشاهد او الرأي العام مع انه زعيم دولة
اما في حالة خاشقجي . فالقوة الناعمة القطرية . تجاهلت ذكر ماضي خاشقجي الاسود كما تلاحظون . واظهرته على انه معارض صاحب كلمة حق . وان قاتله شيطان . انتهى .
الامر المخيف والمرعب والاشد من القتل هو ان يوجه الاعلام حتى مشاعر الانسان فيجعلك تقبل بقتل هذا الشخص و ترفض مقتل الاخر.
رساله الى المتئامرين بالداخل والخارج
نحن جنود نطيع الله حيث نأتمر
تعلمون أننا نعرف خططكم ومؤامراتكم وخرائط وشبكات مكوناتكم الأصليه
تعلمون أننا من اخترقنا سراديبكم الخلفية
لكن ما لا تعلمونه أننا مازلنا معكم حيث أنتم فى ماوراء المحيطات والبحار البعيده حيث تئامرتم وحيث اخفيتم أموالكم وخططكم ببصمه الايدى والاعين
لا تظنوا اننا عدمنا الوسيلة معكم ولكننا ننتظر بصبر صياد محترف
لا تظنوا أن مكركم ومن خلفكم سيمر علينا بلا ثمن
لا تظنوا أن ما تخططون يخفي علينا
لا تظنوا أن اهدافكم لا ندركها بل نحن نعرف ما تخفونه من اهداف وما اتفقتم عليه فى دهاليز البيت البعيد مع سكانه القدامى
لا تظنوا ان حيلكم تنطلى علينا
اننا ندرك كل شيئ خططتم له وندرك ايضا الخطه الاحتياطيه التى لم تصل اليكم وستصل عندما تفشل الخطه الاصليه ونحن للخطتين بمتربصين
رسالتى هذه ليست لتحذيركم ولكنها للانهاء عليكم فقد مضى وقت التحذير ولن يفيد مع قلوب ماتت وعقول جبلت على الخيانة
احشدوا ما استطعتم وجيشوا اخر مداكم واجلبوا ما تستطيعون جلبه معكم من اعوان وحشود فستكون نهايتكم الحتميه ومقبرتكم الفانيه
ستكونون ذكرى مجسده للخيانه عبر التاريخ ونحن بإنتظاركم فلا تخلفوا موعدكم مع حتفكم نعد لكم ما لا يمكنكم توقعه
نحن نحسن التوقع ونبنى عليه وننتظر ونحن ننتظركم
لن تفلتوا هذه المره بغير عقاب فقد حان موعد التطهير
“لقد آن للكنانه ان تتطهر وتتهيئ للصلاه ”
نحن جنود نطيع الله حيث نأتمر ولم نتعلم الهرب من المعركة ولكننا تعلمنا أن نختار وقت ومكان المعركة وقد حددنا أين ومتى وكيف ستكون نهايتكم يا خدمه ابليس وعاشقي المال لقد حان موعد حسابكم
وسيكون حسابكم معنا عسيرا
والله بالغ امره عليه توكلنا وهو حسبنا
مصر والمملكة أمن قومي عربي
معركة_الوعى_السياسى
