للشاعرة الأديبة المصرية / سوسن حامد سليمان
قصيدة ( صدفه ) من ديوانى الأول ( ربيعــــــــــــى )
صـــدفـه
شفتك يا حبيبي
شفتـك يا حبيبي
وحبيتـك
من يوم ما لقيتك
وناديتك
سكنت في قلبك
وده بيتـك
شفتك يا حبيبي
وحبيتـك
جــوه عيونـي
خبيتــك
وحبي كلـه
سقيتـــك
وأكتر لو أقـدر
ل إديتــك
عمري شـراع
فـى إيدك
شفتـك يا حبيبي
وحبيتـك
من يوم لقيتـك
وناديتك
شـِدني أكثر
ل حبك
عيشني والنبي
جنبـــك
د أنا شايله في قلب
قلبك
د أنا عايشه عمري
لحبـك
رغم البعاد
و فرق البـلاد
حبـك تملي أكبـــر
وذاد
شفتـك يا حبيبي
وحبيتك
مش قــادره أنكر
ولا أخبي
حبـك ده زرعه
في قلبي
عودهـا كبـر
ومفـــرع
خلي الربيع
أخضر مرعرع
طلع السنــا دي
بــدرى
ومسابـق معــاه
بدري
أصلك نهــاري
وشمسـي
أنا
أنا والزمان بنمشي
لكن
واقــف معاك رمشي
من يوم ما شافك
م نمشي
ولليـوم دامع عليك
رمشي
شفتـك يا حبيبي
وحبيتك
فرشـت لـك قلبــــي
عشـان يكـون بيتــك
شفتك يا حبيبى
شفتك يا حبيبى
وحبيتك
للشاعرة الأديبة / سوسن حامد سليمان .
