بقلم فتحى الحصري
طــلـعت أدب نــزلــــــــت أدب
لقيتني خلاص بـطلــــت احب
بطلـــت أبات الليــــل سهـران
أفكــر قي اللى مالهـوش قلب
طلعـــت أدب على الخايــــــن
واللى الغـدر في عينـه بايــــن
وعمـــره ماكـــان للهوى صاين
وكل حيـــــاته كدب في كدب
طلعت أدب واقـــول حكايات
وأحكي عن اللى عــدى وفات
وأكتب في السهر روايـــــات
واقول ياريت معنديش قلب
طلعت أدب وانـــا المجروح
وأشكي بلــــوتي وأنـــــــوح
وأحلـف بالحيــاة والــــروح
لأرجع تـاني برضـه أحـــــب
