شهيد
في يوم العيد
ومفيش جديد
الفرحة ف عينه بتزيد
زي ماعرفناهم
أبطال قلوبهم حديد
وفرحتهم ف الجنة
فيها الحسنى
فيها المزيد
احنا بنعيد
وبنبعت رسايل
ع الهواتف
ننعي الشهيد
وغيرنا قاعد
ع الحدود
يتمنى يلبس
قميص جديد
يزور قرايبه
يشوف حبايبه
يفدينا بروحه
واسمه الشهيد
أمه قاعدة
مستنياه
ف ليلة العيد
يبوس إيديها
يترمي ف حضنها
زي الوليد
تجي لها رسالة
تعيشي أنت
ابنك شهيد
في الجنة يا امه
لبسه الجديد
ولاده فين
مراته فين
لابسين حداد
ف يوم العيد
طيب أبوه
حاسس بإيه
وعامل إيه
حزين
وساكت
عقله شريد
قولوا له ماتزعلش
يا با
ده ابنك شهيد
في الجنة ساكن
ويوم القيامة
بياخد بايدك
نال الكرامة
وده المفيد
طه هيكل
