صنية جمبري بالبطاطس:
فنون مطبخية
شيف/دينا جمال رفاعي
المقادير: كيلو جمبري متنضف وبقشره / حلقات بطاطس / حلقات بصل ابيض / حلقات جزر / حلقات فلفل رومي /
توم مفروم / نص عصير لمونه / ملح / فلفل اسود / رشه قرفه / رشه بابريكا / كمون / توابل سمك / شويه مايه صغيرين / بقدونس فريش
الطريقة:
1- اول حاجه نحط البطاطس لوحدها في صنيه مع شويه مايه صغيرين اوي عشر دقايق كده تقريبا عشان تستوي شويه قبل الجمبري
2- بعدين نحط البصل والجزر والفلفل الرومي فوق البطاطس
3- نحط التوم المفروم عليه الكمون والملح والفلفل والقرفه والبابريكا وتوابل السمك ونص اللمونه وشويه المايه ونقلب كله ونحطه علي الجمبري ونقلبه كويس وبعدين نحطه في صنية البطاطس ونغطيها في الاول نعلي النار تاخد غلوه وبعدين نوطي وبس اول ما بطاطس تكمل سواها نطفي مش هتاخد وقت خالص
ونقدمها وبالف هنااااا 😉😉😉😉
( التوابل بلاش كتير خالص يعني اللي نكتر منه التوم والكمون الباقي بسيط جدا 😉 عشان طعم الجمبري نفسه يبان )
( عملت جنبها رز سمك وسلطه خضرا وطحينه واحلي حاجه بقي طعم البطاطس بالصوووص رااائع جدااا 😉 )
( طبعا الجمبري يتنضف ويتغسل بميه مع لمون وخل بسيط سريعا كده )
