فنون_مطبخية
صحي_ومفيد
مكرونة بالخضار واللحمة :
طبق اليوم اعدد الشيف دينا جمال
المقادير: كيس مكرونه / كوسه مقطعه / جزر مقطع / فلفل رومي مقطع / كرنب سلطه مقطع / بسله / دره حلوه/ شرايح لحمه مستويه بأي طريقه / الصوص ( مسترده / عسل ابيض / فلفل اسود / شطه / زعتر / صويا صوص )
الطريقة:
1- نسلق المكرونه عادي جدا ونحطها في حله مع حته زبده صغننه اوي ونقلبها ونسبها علي جنب
2- اللحمه سوتها لوحدها خالص وبعد نص ساعه حطيت حبهان و ورق لورا و عود قرفه وسبتها شويه وكل لما تحتاج مايه بزود شويه شويه وبعد ساعه حطيت بصله شرايح عليها ملح وفلفل وبسبها تكمل سوا للاخر
3- الخضار بقي كله مقطع بحطه في طاسه الجزر والكوسه والبسله واعلي النار كام دقيقه بس وبعدين احط الكرنب والفلفل الرومي والدره واقلب واطفي النار
4- يكون الصوص جاهز مسترده علي عسل علي صويا صوص وفلفل اسود وزعتر ونحطه علي الخضار واللحمه ونفتح النار عاليا كله ياخد تقليبه ونطفي
5- ممكن بقي نحط كله علي المكرونه وممكم علي حسب الطلب نحط مكرونه وفوقيها شويه من الخضار الرائع ده 😊 بس كده ونقدمها وبالف صحة هنااااا
( ممكن بقي نزود صويا صوص علي الطبق كله مع جبنه مبشوره ده اختياري طبعا 😊 وياريت لو نستغل الرمان يا جماااعه لو موجود رشه كده علي طبق في الاخر 😋هيبقي لذيذ جدا بس مكنش عندي وقتها بقي 😄)
( اكله حلوه لذيذه وخفيفه كمان جربوها هتعجبكو باذن الله )
