بقلم : طه هيكل
افتح اول صفحة في التاريخ
واقرا اول سطر
وهات كل الشهود
من قبل الوجود
تلاقي اول سطر
بيبتدي باسم مصر
اول كل حاجة
وهي كل حاجة
حكاية طويلة
بطول الكون
وكل لون
واسال عنها كل
اللي عشقوها
وهم كثير
ولساهم ماعرفوها
واسال كل ابطالها
حدودها تشهد
على كل اللي احتلوها
وخرجوا منها
عمرهم مانسيوها
اصلها حكاية
مش اي حكاية والسلام
دي حاجة ما يقدرشي
وصفها الكلام
ده حضن غالي
وحصن كل بطل همام
احكي يا زمن
وقول يا تاريخ هي مين
هي الامل والنور
اللي بينور الكون
هي الظل اللي بيجمعنا
القلب اللي بيسمعنا
هي كل السطور
وكل الحروف
هي مصر
تحيا مصر
