بقلم الشاعره خيريه الصباغ
أسيوط
ياللي بتضرب نار وجارك جعان
شوف جارك جعان وعايز لقمه يأكل بيها
ياللي بتضرب نار وجنبك عروسه يتيمه ناقصها كام فستان ولا كام حاجه في الجهازو راضيها
ياللي بتضرب نار علي الفاضي والمليان
شوف كام مسكين وكام غلبان وإديهم تمن النار ياكلوا بيها
ياللي بتضرب نار في الأفراح راجع نفسك وشوف حواليك كام جعان وراضيهم
ياللي بتضرب نار والناس حواليك مش لاقيه تمن الدواء روح و إشتريلهم
ياللي بتضرب نار شوف لك كام مريض بيتعذب وروح إكشف ليهم
ياللي بتضرب نار في الهواء ومش حاسس إن حواليك ناس راعي ربنا فيهم
ياللي بتضرب نار شوف لك كام مسكين وهاتلهم الطعام وغديهم
ياللي بتشتري الرصاص قولي ايه كسبان
ياللي بتضرب نار ومش حاسس إن جارك جعان هاتلهم كام رغيف وأي طعام وراضيهم
ياللي بتضرب نار وحواليك ناس محتاجه العلاج شوفهم وإشتري لهم الدواء وراضيهم
هاتأخد ايه من ضرب النار غير فزع وخوف الأطفال والناس وايه كسبان غير تعب الناس وتجيب الفزع ليهم
ياللي بتضرب نار شوفلك كام واحد محتاج وراضيهم
ياللي بتضرب نار ومش حاسس بالغلبان
هايجيلك يوم وهاتتحاسب
ياللي بتضرب نار وجارك جعان بكره النار مش هاتسيبك
ياللي بتضرب نار وجارك جعان بكره النار مش هاتسيبك
