بقلم المفكر / أحمــد بيــومي
دى حال كل من خرج من الوظيفه دون ان يكون لديه دخل اخر وللاسف الاولاد لو كان عنده اولاد مش لاقيين وظايف او بنات عاوزين يتجوزا او لسه فى مراحل التعليم المختلفه او الست تعبانه ومحتاجه علاج بالشىء الفلانى .او هو نفسه بيشترى علاج مش متوفر فى التامين ..هذا الشيخ الموجود بالصوره كان يشغل وظيفه مدير عام التعليم الفنى باحدى الادارات التعليميه ولان مكافأه نهايه الخدمه شويه ملاليم ثمن عمره والمعاش اقل من 2000 جنيه ..راح يكفوا مايه والا غاز والا تليفون والا اجره سكن والا مواصلات ..ولانه كان فى وظيفه خدميه مفهاش سرقه اضطر يقدم شاى وقهوه ومعسل للصنايعيه ومنهم تلاميذ تلاميذه ..والغريب ان من فشل فى التعليم واتعين فى الكهرباء او البترول او حتى المحكمه مكافأه نهايه خدمته فوق 200 الف جنيه ومعاش فوق ال5000 جنيه .. كارثه ورب الكعبه..يرضى مين ده يا عالم ..
عموما انا لا راح اطلب زياده معاشات ولا غيره لان الرد جاهز مفيش ؟..
انا اطالب فقط لاصحاب المعاشات فى الوزارات الخدميه بالاتى ..
1- مواصلات مجانيه كأفراد القوات المسلحه ..
2- علاج مجانى ايضا فى مستشفيات القوات المسلحه ..
3- ااعفاء كل من خرج للمعاش منهم وله اولاد فى مراحل التعليم من المصرفات فى المدارس والجامعات ..
4- دفع الشريحه الادنى من الكهرباء والمياه ..
5- زياده مخصصات التموين الحكومى
ارحموا عزيز قوم ذل ..
ملحوظه يستثنى من هذا القرار كل من لديه مصدر دخل اخر غير المعاش مثل محل او ارض زراعيه او التحق بوظيفه اخرى ..؟؟!!!
