وهي دى ( مصر الجديدة بتاعتهم ) – اللى عايزنها ( الينايرجية ) !
بقلم – عدلى محمد عيسى
ها حكى لكم على حكاية حصلت لى تعرف اللى ما حيلتوش عقل فى دماغه خالص ( مصر وصلت لفين وكانت إيه وبقت إيه ) .
مدرتوش ؟!!
وأنا مروح من شغلى ، ركبت تاكسى وقلت للسواق ( حدائق القبة يا أسطى ) ….
سألنى فين فى “الحدايق” ؟
قلتله ( ولى العهد ) – عند مسجد “الشيخ غراب” – يرد علية يقولى إيه – طب ما تقول ( ميدان سيد حنفى ) !!!!
قلتله وأنا مستعجب جداً – “ميدان ولى العهد بعد الشيخ غراب” – الصحابى الجليل ، تقوللى إنت ( ميدان سيد حنفى ) !
راح رادد علية وبكل ثقة وإصرار بسؤال وهو اللى مستعجب منى !
هو إنت متعرفشى ( سيد بيه حنفى ) ؟!!
قلتله لأ !
وسألته – هوة حضرته ( شهيد برضو من أسيادنا شهداء يناير الأسود بتوع ميدان التحرير ) ؟!!
رد عليا وقاللى – باين عليك غريب ياحج مش من هنا – رديت عليه وقلتله صح أنا غريب !
برغم إنى عايش فى المكان ده ما يقارب ( ١٥ سنة ) – علشان أعرف وجهة نظره !
وكملت كلامى معاه بسؤالى ليه – مين بقى ( سيد بيه حنفى ده ) ؟
قاللى – سيد بيه حنفى ده أحسن واحد ( صاحب محلات كشرى ) – عقبال أمالتك إسمه مكتوب بالبنط العريض ، على جدارية ( الجدارية دى ما بقلهاش كام شهر ) ، فى وسط الميدان عملها من فلوسه بماله ، وكاتب تحت إهداء للحى بحروف لا تراها ( العيون إلا بميكرسكوب ) !!!!
قلت فى نفسى وأنا متحسر ( كحال كثير من المصريين – إن لم يكن كل المصريين ) – بقى ( نشيل إسم العظماء من الصحابة والزعماء ) ، ونحط أسماء ( بتوع الكشرى ) ؟!!!!
