للأديبة المصرية / سوسن حامد سليمــــــــــــــان قصيدة ( دنيـــا ) من ديوانى الأول ( ربيعــــــى )

أخبار العالم - الادارة

دنــــــيــــــــــــا
دنيا غريبـة وكدابــة
ومليانـة بالديابــــة
بتلف زى الدوامــــة
بالعكس دايمـا ويايــا
بتظهـر كل الخفايـــا
ده مين هيلعب معايـــا
وإيـه أخـرة ندايــــا
شفـت مـرة الحلــــم
بيرسـم لى العلــــــم
طريق ياسمين وهــــدى
وعبيـر وزهـور ونــدى
قلت الطريـق مثالــــى
وفيـه كل آمالــــــى
رسمـت فيه خطيـــــن
أحمر وأبيض
صحيت م النــــوم
لقيـت اللــوم
ومفيش خطوط موجـودة
ولا رتوش مولـودة
والطريق خالى
وخـد كل خيالــى
مين شـال غزالــى
وقطف الورد الغالى
وفرش الشوك قبالى
ف رملـى وسيــرى
طريق مليان وحوش
يارب يارب
حوش وحوش
إبعد عنى الوشوش
مش شايفة غير خيال
مليان سراب محــال
غربــان كتير ونسور
بياكلوا لحوم ثور
سحب مليانة غيوم
والشمس هربت فين
والناس بتجرى ليه
وإيه حاصل وإيه
وليه كل ده ليه
بلاش تشاؤم وخوف
بص بحذر و إتأمل
و إتعلم من كل مُعلم
لا لا تسلم نفسك لليأس
حاول وانسى الأمس
م هى الدنيا
غريبة وكدابـة
لكن ممكن نشوفها تانى
بعين مليانة أمانى
نبعد عن الدوامة
وننزل ف بحر تانى
مليان غنى وتهانى
وأغنى أنا وأنت
نشيد الأمانــى
وتتجدد الموانى
وتيجى الطيور تانى
تتفتح الزهور
والعطر يملا الكون
بهجة ونسيم فى الصيف
كأحسن واحد ضيف
والدنيا لسه بخير
مهما طلع ف الليل
أوحتى أتقتل الخير
لازم ف يوم جميل
هتظهر النجوم تلمع
تنور الكون طمأنينة وأمان
وتمسح الأحزان
وتِسكن جراح العيان
دى الدنيا لسه بخير
مهما طلع ف الليل
لازم يموت الشر
وينتصر الخير
دى الدنيا لسه بخير
قصيدة دنيا للأديبة المصرية / سوسن حامد سليمان

Related posts