ف البدايه تحيا مصر
مهما كان ومهما كنت
ف أي وقت وأي عصر
لما تسمع إسمها
إضرب تعظيم سلام وإقف إنتباه
مصر دي طول عمرها
مقبره للغزاه
خمسه وعشرين يناير
كانت ثوره
أيوه ثوره
مش مقاوله
ولا عقد بيع لدوله
ثورة يناير كارت أحمر للنصابين والعتاوله
إوعي تسمع كلام إل بيقول عليها نكسه
وإننا بسببها عايشين ف كارثه
دم إل راحوا إوعي تنسي
إتعلمت من أيوب معني الصبر إيه
بس صبر أيوب أنا مش هاقدر عليه
أنا هاأصبر علي قد ما أقدر
إوءمروني وأنا ها أعمل
إوكيه تمام
إحنا عايزينك تمنع الكلام
إحنا عايزينك تكون صوره
إحنا هنحدد ملامحها
إنته هتجسد بس دورها
وتعيش جوه روحها
تمام
خبي همك بين كفوفك
وإضحك ب أعلي صوتك
وإنت ف أصعب ظروفك
خلي الناس لما تشوفك
تقول داه جبل
وأي حد يفكر إنوا يهددك
قولوا إنت مين
أنا لو صرخت هسمع الدنيا الهتاف
أنا عمري ما كنت ف يوم بخاف
أنا حضارة السنين
عدت عليا حاجات كتير ومهمنيش
قولوا أنا عندي جيش
يحمي أرضي ويحمي وطني ويحمي ولادوا
يمشي إل يمشي ييجي إل ييجي
هو بردوا جيش
جيشي أنا مش جيش
حكومه ولا جيش رئيس
لما بسمع عن زمان
عن أيام الاءنجليز
كان الهتاف يا عزيز ياعزيز
كبه تاخد الاءنجليز
كانوا معيشينا ف بلدنا أسري
مذلولين ونفوسنا منكسره
إوعي تنسي إن إل حررنا منهم
هو جيشنا
وهو يعني إيه جيش
الجيش داه يبقي مين
مش أخويا وأخوك وإبن عمي وإبن عمك
الجيش هو إحنا
ف مش معقول نئذي روحنا
ساعات بخاف أبص ف عنيكي ل أفتكر الماضي
متهان ومتبهدل ومتبحتره كرامتي وبرضوا راضي
بس مش عارف إذا كنت هاأصبر علي الحال داه كتير
مبقاش قدامي غير حل من الاءتنين
ل أقتلك ل أدور علي واحده غيرك
عايزاني أعملك إيه وإنتي شايفاني
جعان ومرمي ف الشوارع
وبتدي للغريب كل خيرك
إركن بقا عندك كل داه
وتعالي ندور علي طوق نجاه
لسه موصلناش لدرجة
إننا نكره الحياه
مع إني لسه ف عز الشباب
بس حاسس إني عجوز وشعري شاب
وإن الحق مبقاش موجود
أصبح يدوب ورقه ف كتاب
وإني ها أكمل بقيت عمري خدام
مرمي تحت رجلين الكلاب
بس لسه عندي أمل إني أعيش
ولو ماعشتش عايز إبني من بعدي يعيش
مش عايزوا يطلع يلاقي
الاءجابه علي كل حاجه مفيش
مش عايزوا يطلع يشرب من نفس كأسي إل لساه مصبوب
مش عايزوا يطلع يعيدلكم كلامي
أنا مش ها أقدر أتحمل
أنا مش أيوب
#أيوب
2015
