كتب : أحمد محمد حنتور
لما ابنكم أو بنتكم يرسموا حاجه أو يكتبوا حاجه أو يعملوا اى شئ يحسوا انهم انجزوا فيه وعملوا شئ مهم وييجى يقولك شوف يا بابا أو يا ماما انا عملت ايه ….
مهما كنتم مشغولين بصوا له وقولولوا الله يا حبيبى جميل جدا انت شاطر انت هايل حاولوا تشجعوه أوعه تحبطه أو تقوله وحش انت فاشل حتى لو كان اللى عمله غلط حاول تصحح له حسسه انه كويس ونافع فى المجتمع …..
ملحوظه هامه جدا………
مفيش طفل غبى مفيش طفل فاشل
بابا وماما هما إللى ممكن يخلوا ولادهم ناجحين أو فاشلين
من كتر ما تقوله انت شاطر هيبقى شاطر ومجتهد
ومن كتر ما تقوله انت فاشل انت غبى انت عمرك ماهاتفلح
خلاص انت برمجته على كده ولو سألته انت ليه خايب هايقولك انت علطول بتقولى يافاشل وانا لبيت رغبتك
عزيزى الاب عزيزتى الأم ولادنا امانه نحافظ عليها ونرعاها لان ربنا ها يسئلنا عنهم يوم القيامه
. اللهم احفظ اولادنا وبناتنا.
