رز باللبن و الايس كريم:
فنون مطبخية
دينا جمال رفاعي
المقادير : كوباية رز / كيلو لبن / ربع معلقه صغيره فانيليا / نص كوباية سكر / صوص شوكلاته او نوتيللا/ مايه
الطريقة :
1_ نغسل الرز كويس ونحطو فى حله ونحط عليه شويه مايه لحد ما تغطى وزياده شويه
2_ وتكون نار عاليا عليه لحد ما يغلى وبعدين نوطى النار ونقلب من وقت للتانى لحد ما يقرب يستوى
3_ نكون مجهزين اللبن ويبقى سخن ونحطو على الرز ومعاه السكر ونقلب شويه وفى المرحله دى مش نغطى الحله بالغطا نسبها مفتوحه وكل شويه نقلب الرز
4_ قبل ما يتشرب اللبن نحط الفانيليا وشويه ونطفى عليه ونقسمه فى اطباق ونسيبه يبرد ونشيله فى تلاجه
5_ ممكن بقى لو حابيبن يكون بطعم الشوكلاته نجيب اى نوع شوكلاته بتحبو ونسيحها ونحط عليهم شويه رز باللبن او نوتيللا ونقلبهم بيبقى طعمو حلو بردو ويتاكل سخن او ساقع زى ماتحبو وبالف هناااااا
( طبعا ممكن نحط عليه قرفه ومكسرات حسب الرغبه )
