رثاء………. أمى
بقلم مسيو / احمد الصعيدى
امى وان كتبت فيكى الف قصيده مش كفاية
كنتي عمرى ورضاكى عنى كان ايه
وخمسين سنه من عمرى ليكي فيهم كل يوم حكاية
يوم فرحتي يوم زعلتي وديما عندك البداية
يوم ما قلتي سعادتك يأبني عندي غايه
امى وان بكيتك باقي عمرى مش كفاية
امى وبيكي كانت لمتنا
والفرحة فى اللمة وانتى سبب سعادتنا
ويوم فراقك انطفى شمع نور بتنا
والكل اتغم واتشتت يأمه وحدتنا
لا عاد فى محبه ولا اتكررت تأنى لمتنا
وفى عيد الام انا يامه برثيكى
واروح لتربتك وابكى واناجيكى
وادعى ربنا ان يكون النبي شفيع فيكي
ولو اعرف مرارة فراقك كنت رحت قبليكى
لكن دا اجل ومكتوب ومسيري يوم جنبيكى
كنت يأمه عشقي وغرامي
وطول طريقي دعوتك ماشيه قدامى
وبرضاكى كانت حلوه ايامى
يرحمك ربنا ببعدك زادت يأمه الأمي
وفى عيد الام صورتك يأمه قدامى
و بالدعاء والقران اشوفك
يوماتي فى أحلامي
عيدك يام اليتامى فى الجنة مع النبي
وتحيتي انا والفاتحة على
روحك يأمه وسلامى
