دموع في عيون وقحة
لاتجعلوا السذاجة تعميكم
(تقرير الإعلامي فهمي سرحان)
قبل ما تتعاطفوامع حنين وغيرها لابد أن تفهموا القصة بشكل تقني اكتر حتي تعرفوا هي( واخدة ١٠ سنين علي ايه )، هن تكلم كلام مبرمجين شوية علشان نفهم القصة
١- في نوعين من التطبيقات ( تطبيقات تجارية – تطبيقات سيئة السمعة )
– التجارية ديه زي whatsapp telegram insta facebook uber careem … الخ
– سيئة السمعة زي truecaller – whois – likee
لحد هنا زي الفل طيب هو ليه ترو كولر سيء السمعة لانه ببساطه بيبيع الداتا فهي سيئة السمعة مش شرط تطبيقات جنسية لا في تطبيقات من الاخر كده حراميه بتستغل المستخدمين
٢- المبرمجين بيعملوا حاجه جميله كده في التطبيقات بتاعتهم اسمها ريفيرال
– باختصار لو انت فاتح اكاونت في اي تطبيق تجاري بتكسب منه او بتشتري منه زي مثلا سوق او امازون ممكن تاخد لينك الريفيرال تبعته لصحابك او تسوقوا للناس علشان يسجلوا عن طريقك فتكسب مثلا من كل عمليه بيع ٥٪ او ١٠٪ او ٢٠٪ لحد هنا دية حاجه اسمها التسويق بالعموله
– الريفيرال ده بيبقي عبار عن كود ، اما الشخص ال( هيسجل) يحط الكود يدوي او يدخل علي اللينك علي طول فانت تاخد نسبتك تلقائي
٣- التطبيقات بقي سيئة السمعة ( الدعارة ) دي نوعين نوع بتفتح التطبيق تطلب واحدة تجيلك البيت حاجه كده زي (أوبر وكريم) بس بدل ما تجيلك العربية بتجيلك البنت وبتتفق معاها علي الساعه اللي بتكون من اول ٥٠٠ جنيه فيما فوق علي حسب العمر والجنسية والشكل طبعا وبيكون من ضمن الاتفاق خدمات زي مثلا هتقولك انا هاجي لمدة ساعة ٢ شوت + مساج (بادي تو بادي) او (مساج فرعوني) … الخ واي ساعة اضافية بكذا وده بيكون جوه الخدمه الي بتطلبها
٤- التطبيقات التانيه بقي ( دعارة برده ) بس اونلاين بتقولك ايه انت هتدفع ١٠ دولار في صورة كوينات بتكون شاريها من التطبيق وبالمقابل هتقعد معاك ١٠ دقايق مع خدمات زي sex toys او only orgasm ودة بقي تطبيق ليكلي او غيره من التطبيقات سيئة السمعة طيب النظام بيبقي ايه ؟؟ بص يا باشا في رجاله مهاويس بانهم يتفرجوا علي بنات قاعده مبتعملش حاجه وتعطي لهم كوينات ( اه والله زي ما بقولك كدا ) الرجاله ديه بقي لما بتوصل لذروة النشوة الجنسية بيعملوا حاجه اسمها برايفت ريكويست بمقابل عدد من الكوينات فالبنات اللي بتدخل علشان تفتح الايف بس وتكسب ٥ الاف جنيه بتجيلها عروض كتير للبرايفت فطبعا لو البنت داخله تفتح لايف مش اكتر وتكسب من غير ما تعمل حاجه فبعد شويه لما يجيلها الاف الدولارات هتبدأ تدخل البرايفت لان اصلا التطبيقات ديه معموله علشان كده … كانها عامله مثلا جزء للبنات الي فاكره انها كدا محترمه وبتفتح لايف وهي قاعده وخلاص علشان بعد كده تخليهم مش محترمين ويدخلوا البرايفت .. يبقي رجليهم اتجرت للموضوع بشياكه لان لو اتعرض عليهم علي طول يدخلوا برايفت مش هيوافقوا لكن احنا كلنا عارفين (ساعة الكاش كله بيبقي ببلاش للاسف)
٥- ايه بقي علاقه الريفيرال بالتطبيقات وازاي كسبت حنين حسام من الموضوع؟
– باختصار هي عمله اكاونت وجربت وعرفت الموضوع ماشي ازاي فقالتلك ماشي انا عندي جمهور كبير هروح اقولهم يسجلوا عن طريقي وهما يدخلوا يفتحوا الكاميرا عادي فيجيلهم كوينات فاكسب انا من نسبة الكوينات ديه علي طول ماهو المكسب مش هيخلص وفي نفس الوقت انا مقولتلهمش يدخلو رومات البرايفت خالص ده انا قايلالهم بالحجات … يبقي لو دخلو مثلا ٢٠٠٠ بنت وكل بنت باخد ٢٠٪ من ارباحها وهنعتبر كل واحده كسبت ١٠٠ دولار بس يبقي انا كسبانه وانا نايمه في بيتي ٤٠ الف دولار من غير ماعمل اي حاجه
وهنا بقي القضية علشان بس الناس اللي بتقارنها بالممثلين والناس اللي بترقص والكلام ده … باختصار هي بتاخد عموله علي بنات بتشتغل في الدعارة يبقي هنا هي ايه؟؟؟ ( قوادة ) وبتضحك علي البنات اللي سنها صغير علشان يفتحوا لايف بس لكن الحقيقة هما كدابيشتغلوا في الدعارة يبقي هنا قضية ايه؟؟؟ (اتجار بالبشر)
– لو انت متعاطف معاها فخلي بالك ان ممكن بنتك او اختك او اي حد بريء يقع في المصيدة ديه وطبعا انت مش هتكون فاهم نهائي اللي بيحصل دة موضوع جديد وغريب وكنت هتلاقي بنتك قاعده عادي بلبسها وكل حاجه بس فاتحة الموبايل وطبعا عمرك ما هييجي في بالك ان بنتك بتشتغل في الدعاره تخيل؟؟؟؟؟؟؟؟
فكره بقي حنين حسام كانت عارفه كل ده ولا كانت مخدوعة ومش فاهمه لا يا باشا هي فاهمه كويس لان اي واحد بيفتح التطبيقات ديه لمده دقيقتين هيعرف لان ببساطه التطبيق مش عايزك تخرج الا لما تدفع فبيوضحلك اتجاهاته ايه بالظبط علشان يغريك !!!!
فيديو حنين حسام وهي بتعيط للاسف بيدل( انها شيطان في صورة انسان) لانها لحد دلوقتي بتحاول تستعطف الناس ؟؟ ماهو للاسف في ناس الناس إنها اتحبست علشان كانت بترقص …. قبل ما تتعاطفوا مع حد اعرفوا كويس جدا ان مش دايما الحكومة بتشرح الاسباب لاي قضية وبالتفصيل لان الهدف انها تمنع المصايب مش انها تروج وتقول بتتعمل ازاي !!!!
الحاجة اللي تضابق في الموضوع ان الاقي امهات وبنات في الكومنتات بتقول كتير ١٠ سنين انتم سايبين ليلي علوي ويسرا ليه ايه الفرق !!! للاسف انتي كان ممكن تبقي ضحية من غير ما تعرفي او اختك او بنتك فا فارجووووكم حاولوا تقرأوا كويس وتعرفوا لان عالم الاونلاين فيه بلاوي اقسم بالله تهدم بيوت وتقضي علي امم كاملة ف بلاش السذاجة تعميكم لحد ما تقعوافي المصيدة وتندموا وتقولوا مكناش عارفين
