حوار مع اب محروم من إبنة أدهم
كتبت خيرية الصباغ
أسيوط
يقول أبو أدهم
بابا بيحبك جدا ياأدهم وبيقولك حبى ليك بدا من يوم ما كنت جنين مش من يوم ما اتولدت
لانك عينى وعمرى وحبيبى
اهتميت بيك و بنموك كنت ما بسيبش ميعاد لدكتورة غير لما اكون موجود علشان اطمن عليك وعلى صحتك واسال واستفسر عن كل الى يخصك
امك كانت شايلاك فى بطنها ٩شهور وانا شايلك فى قلبى وعقلى العمر كلة
ابنى وحبيبى كنت بدعى ربى تطلع طفل معافى بدنيا وخلقيا
ولما عرفت انك ولد فرحت اوى مش علشان ولد ولا بنت مهم عندى لا
علشان حسيت انك عوض لى عن ابويا الله يرحمة وقلت هسميك على اسمة بس اسمك ربنا كان كاتبهولك
جبت لك لبسك ومستلزماتك من قبل ما تنور الدنيا ب٣شهور
ولما نورت دنيتى وشيلتك بين ايديا خطفت قلبى ولحد دلوقت خاطفة
يا نور عين ابوك لما دخلت الحضانة وكانت ساعات قليلة قعدت فى المستشفى لحد ما طلعت بالسلامة ونورت بيتك الى هو بيتى
استحملت علشانك وكنت مستعد استحمل علشانك
ولما انفصلت علشانك علشان كرامتك لان كرامتك من كرامة ابوك
والى فاهم ان ابوك لة كرامة هيعملك كرامة
لما مامتك خدتك من بيتك وبعدتك عنى كنت بمشى ادور عليك اقول يمكن المحك وشوفك بدور عليك في عيادة الدكتور اللي كان بيعالجك حتى لمجرد أشوفك وانت بعد الشر تعبان بس أشوفك
شغلونى بالقضايا علشان يبعدونى عنك مانجحوش ولا هينجحوا
حتى هما فاهمين كدة كويس
قانون ظالم يابنى حرمك من حقوقك فى ابوك واهلك
وحرمنى من حقوقى كأب
اوعى تفهم ان كلامي ده ضعف وقلة حيلة … بالعكس
مش هسيبك يا أدهــم هشوفك وهاربيك لانك ابني … ولو كنت بعدت فترة ف مش بمزاجي أكيد لما تكبر هتفهم وهتسأل وهتعرف وتقدر …… لكن عمري وعمرك اللي باقيين مش هسيبـــــك
#بحبك
#بابا
#أدهم
أقول لأبو أدهم ربنا يصبرك يارب
ويارب تتغير القوانين وتشوفة في أي وقت يوحشك فية
يا أبو أدهم وأقول لأم أدهم حرام عليكي يكون معاكي زوج بكل الأحساس والحب لإبنك
وتحرمية منة ياريت ترجعي لربنا وتتقي الله وتخلية يشبع من حنية أبوة وماتحرمهش منة لإنة دا يضر إبنك نفسيا
وأقول لأبو أدهم
يارب يتغير القانون ويكون إبنك بينك وبين
أمة و تشوفة في أي وقت يوحشك فية وتفسحة واللعبة وتفرح بية يارب العالمين
