الإعلامية نرمين جمعة: مستشار خميس، مقال حضرتك الأخير عن ترامب والذهب كان مثير جدًا! أمريكا عندها 38 تريليون دولار ديون؟ الرقم ده حقيقي؟ 😳
خميس إسماعيل: نعم نرمين، الرقم ده أكبر من أي ديون في العالم كله. للتوضيح، ديون مصر حوالي 163 مليار، فرنسا 3.9 تريليون… وأمريكا؟ 38 تريليون. ببساطة، ده رقم يخوف ويخلي أي تحركات اقتصادية عالمية تتأثر بيه.
نرمين جمعة: طب ترامب بيتصرف كده ليه؟ مش ممكن يحل الأزمة بالضرائب أو خفض المصاريف؟
خميس إسماعيل: لا، نرمين. ترامب دماغه تاجر مفترية. مش ناوي يسد الديون من جيب المواطن. هو بيلعب لعبة كبيرة… لعبة الذهب 💰. مستني سعر معيّن في دماغه، يبيع، يسد الديون، ويطلع هو الكسبان الوحيد.
نرمين جمعة: طيب والمواجهة العسكرية مع إيران؟ ده جزء من اللعبة؟
خميس إسماعيل: بالضبط. إيران حليفة روسيا والصين وصداع للغرب في الشرق الأوسط. مجرد تهديد أو تحرك للأساطيل بيخلي الأسواق ترتعش، والكل يجري على الذهب. حتى مجرد تغريدة من ترامب ممكن تغيّر السوق في ثانية.
نرمين جمعة: والأسواق العالمية؟ الصين وأوروبا هيتدخلوا؟
خميس إسماعيل: هما مستنيين الوقت الصح. أي تدخل منهم ممكن يقلب الترابيزة… لكن لحد ما يحصل، الذهب والمعادن يفضلوا هم المرجيلة.
نرمين جمعة: المواطن الأمريكي بيتأثر إزاي؟
خميس إسماعيل: الدولار ضعيف قدامه، البنزين رخص والفوايد قلت… لكن القيمة الحقيقة ضاعت. المواطن مش قادر يشتري ذهب ولا يحوّش حاجة تمسك نفسها.
نرمين جمعة: وإحنا العرب؟ نعمل إيه؟
خميس إسماعيل: سؤال مهم. نشتري دولار؟ الذهب طار. نبيع الدولار ونجيب فضة؟ ترامب نزل تصريح. أي حد يقولك “الذهب هيصحّح وينزل في 2026”… يبقى بيحلم.
نرمين جمعة: وحضرتك ضفت فقرة “أنا وقلمي وقهوتي”… ممكن تحكي لنا؟
خميس إسماعيل: وأنا قاعدة قدام الشاشة، قهوتي في إيدي، وبص على الأخبار اللي بتقلب السوق في تويتة، بحس إننا مش بس متفرجين… إحنا جزء من لعبة الكبار، لعبة كل رقم فيها ممكن يقلب حياتنا كلها. ☕
حوار الإعلامية نرمين جمعة والمستشار خميس حول ديوم امريكا وجنون الذهب
