تعلن مديرية الشئون الصحية بشمال سيناء ان غداً السبت
٢٠١٨/١٢/١ بدء العمل الفعلي للمبادرة الرئاسية
كتبت نسرين محمد
✅١٠٠مليون صحة للقضاء علي فيروس سي والامراض غير السارية وتدعوا جميع مواطني محافظة شمال سيناء للفحص والعلاج بالمجان صرح بذلك السيد الدكتور محمود طلحة وكيل وزارة الصحة بشمال سيناء وتتشرف مديرية الشئون الصحية بعرض كل ما يتعلق
من تساؤلات عن المبادرة الرئاسية واماكن الفحص متمنيا صحة افضل لكل مواطني شمال سيناء#صحتك_تهمنا
س: إيه هي مبادرة القضاء علي فيروس سي ؟
مبادرة رئاسية للكشف عن فيروس سي وعلاج المصابين به بالإضافه للكشف عن الأمراض الغير الساريه مثل السكرى والضغط والسكر وتستمر لمدة ٣أشهر بشمال سيناء
.س: عاوز احلل تبع المبادرة اروح فين ؟
ج: أماكن تواجد حملات القضاء على فيروس سي و الأمراض غير الساريه
اماكن الفحص بالعريش:
1- مركز الرعايه الاساسيه بوسط المدينه
2- مركز الرعايه الاساسيه بالريسه
3- مركز الرعايه الأساسيه بابي صقل
4- مركز الرعاية الأساسية بعاطف السادات
5- مركز الرعاية الأساسية باسيوط
6- مركز الرعاية الأساسيه بالمساعيد
7- مركز الرعايه الأساسيه بالعبور
8- مركز الرعايه الأساسيه بالصفا
9- مستشفى العريش العام
* اماكن الفحص بمركز بئر العبد فى
النجاح-الخربة-النصر-السلام-نجيلة-
ام عقبة-رابعة-الكرامة-6اكتوبر-رمانه-
قاطية-اقطية-المريح-بالوظه-الشوحط-
الروضة-سالمانه-المركز الحضرى ببير العبد
-مستشفى بئر العبد
مركز ومدينة الشيخ زويد
عدد 8 فرق طبية
للكشف على المواطنين.. موزعين على: وحدة رعاية طفل الشيخ زويد والوحدتين الصحيتين بأبو رفاعي وأبو طويلة ومستشفى الشيخ زويد المركزي.
.
* أماكن الفرق بنخل ( مستشفى نخل المركزي – الوحدة الصحية بنخل – الوحدة الصحية بصدر الحيطان – الوحدة الصحية برأس النقب )
* اماكن الحملةبالحسنة
الوحدة الصحية بالحسنة مستشفي بغداد _القصيمة _الجفجافة
* اماكن الحملة برفح
البرث -مستشفي رفح المركزي
س: والتحليل ده بكام ؟
ج: الفحص مجانا ولو لاقدر الله طلعت مصاب بفيروس سي هيكون العلاج كمان مجاناً .
س: هل الفحص محدد لسن معين؟
ج: الفحص لمن هم من سن 18 سنة لأكثر
س: هو الفحص شغال من الساعة كام لكام ؟
ج: مواعيد العمل فى الحملة فى كل الوحدات المشاركة بيكون من ٩ صباحا وحتى ٣ مساءاً
س: ايه الورق المطلوب منا ؟
ج: بطاقة الرقم القومي فقط
س: انا كان عندى فيروس سى واتعالجت ، ممكن اروح اعمل فحص تانى ؟
ج: ممكن طبعاً تعمل فحص للضغط والسكر وكمان الوزن ، لكن لفيروس سى انت محتاج تتابع مع مركز العلاج اللى اتعالجت فيه .
س: انا كان عندى فيروس سى واتعالجت وكنت بتعالج عند دكتور خاص ودلوقتى رجعلى الفيروس تاني ؟
ج: تقدر يافندم تحجز على موقع حجز اللجنة القومية www.nccvh.org.eg أو على موقع حجز التامين الصحى لو مؤمن عليك وتعرف موعد ومكان الكشف من خلال الحجز ده .
س: انا روحت مركز فحص بالحملة وحللت وادونى كارت فيه موعد ومكان لمستشفى اروحها بس الخط مش واضح ومش عارف اقراه وعاوز اعرف ايه المكان اللى كاتبينه ده ؟
ج: ممكن حضرتك تستعلم عن مركز العلاج على الموقع الرسمى للحملة وهو www.stophcv.egمن خلال رقمك القومى وتعرف اسم مركز العلاج والموعد المحدد لك .
س: يعني ايه الأمراض غير السارية
ج: الأمراض غير السارية، اللي هي بنقول عليها الأمراض غير المعدية، هي أمراض القلب ، والأوعية الدموية ، والسرطان ، والسكر ، وأمراض الصدر المزمنة.
س: هي الأمراض دي بتيجي من ايه؟
ج: الامراض دي انتشرت قوي بسب زيادة أربع عوامل تمثل خطورة أساسية وهى: التدخين ، قلة الحركة والمشي وعدم ممارسة الرياضة، والاكل غير الصحي.، والكحول .
س: ايه هو ضغط الدم؟
ج: مرض ضغط الدم المرتفع هو عبارة عن ارتفاع في ضغط الدم أكثر من 140/90 مليمتر زئبق يعاد قياس عدة مرات في توقيتات مختلفة.
س: يعني ايه أكل غير صحى؟
ج: زي الوجبات الجاهزة والاكل اللي فيه دهون وملح كتير والمقليات، ومفهوش خضار وفاكهة كتير
س: ايه هو ضغط الدم؟
ج: مرض ضغط الدم المرتفع هو عبارة عن ارتفاع في ضغط الدم أكثر من 140/90 مليمتر زئبق يعاد قياس عدة مرات في توقيتات مختلفة.
