المسجد الأقصى
🍁🍁🍁🍁🍁
كتبت /إيمان الحملى
المسجد الأقصى
🍁🍁🍁🍁🍁🍁
شعر / أحمد مرسى
🍀🍀🍀🍀🍀🍀
يا قُدْسُ يا أقْصَى
أنا فْلِسْطينْ
سنين عَدِّتْ ورَاها سنينْ
وشايلين فوق دماغنا الطين
ولو فاكرين مابين حطين
صلاح الدين
وبين بِلْفُور
بِتدِّى وَعْدَك
انت لمين؟
🍀🍀🍀🍀🍀🍀🍀🍀
وفى قلوبنا عذاب وأنين
لا هِىِ أرضك ولا عرضك
ولا مِلْكَك بِتِوْهِبْ مين
فضلنا نعاتب العايب
وجينا نْرَقَّعْ الدايب
وِمُشْ عاجبين
كأن دا وعد ومْسَطَّرْ
ومكتوب ع الجبين
ولو كانت دى أرض أبوك
ما كنتش يوم ح تِدِّيها
لناس ملاعيين
بحق اللهْ ما هيش ليهم
ليوم الدين
🍀🍀🍀🍀🍀🍀🍀
وييجى تْرَامْبْ بِيْجَدِّد
كلام سيده وبيعيده
وبيزيده
ويلبس عِمَّهْ فوقْ رَاسُه
على حَائِط ْالمَبْكَى
وبِيأكدْ لِنَا وعودُهْ
بقالنا 100 سنه فى
الهَمْ
يا عمْ اصحى وفُوق
م الحلمْ
بحور فاضت من كتر
الدمْ
🍀🍀🍀🍀🍀🍀🍀
بقالنا سنين على راسنا
نشيل الطينْ
ومش قادرينْ
على كتافنا جِبَالْ الغَمْ
ودى فلسطينْ
وفيها القدسْ يِصْرُخ
أنا عربى أنا عربى
ودُولْ صُهيونْ
وأجراسْ الكنايس
قلوبْ بِتْئِنْ
ولا فى حد سامعها
ولا حتى كمان بيحِن
ودا صوت الأدَانْ
سامعينه بيكبَّرْ
مآذن كلها تِنِادى
على أهلى على بْلادى
🍀🍀🍀🍀🍀🍀🍀
إصْرُخوا الله أكبرْ
إصْحَى يا كُلْ الضَّمِير
أوعى تِشْجُب أو تِحَذَّرْ
المُصِيبهْ حقيقى أكْبَرْ
طِمْعُوا فينا واشترونا
وقسمونا وفرقونا
فُوقْ بقه وقوللى قَرَارَكْ
إحنا أهْلَكْ
قُدْسِنا فى الأصْل دَارَكْ
واسألوا عنا المَسِيحْ
واسألوا عنا محمدْ
يا نِتِنْيَاهو ما تْلِمْ عَارَكْ
بُكْرَه تِعرف لَمَّا
إيدْ الحقْ
تِنْسِف كل ظالمْ
المصيبه فى انتظارك
🍀🍀🍀🍀🍀🍀🍀
كُنتْ جولدا أو شاميرْ
والنِتِنْ فى الأصل ياهو
أو تِرَامْبْ مَفِيش ضَمِيرْ
كُلُّهُمْ فى الوحْلْ تَاهُو
يا عِصَابَه إحْنا مُش
عايشين فى غابه
الوفاء عند الكلاب
وانتوا أسوأ م الدِيَابَه
إنتظر يوم الحساب
لمَّا ربك للغلابه
ينصر المظلوم بحق
ويمحى أفراد العصابه
🍁🍁🍁🍁🍁🍁🍁
