تأليف : جيهان الوتار
صباح الخير يا خالد
صباح النور يا منال
عايزة ايه طلبات العزومه بس بالراحه علشان المصاريف نزله على ودنها
هههه متخفش انت ناسى انى مربيه بط وفراخ بص يا سيدى انت هتجيب الخضار والفاكهه واعمل صنيتين كنافه وصنيتين بسبوسه مع عصير وتعزم اخواتك انهارده بولادهم
رمضان ما يحلى ال باللمه يا خالد ويجعل البيت مفتوح بحسك يا رب
تسلمى يا اصيله كل رمضان لازم تجمعى اخواتى بولادهم متحرمش منك يا منال
ولا منك بص انا هكلم مرات كل واحد فيهم اهنيها برمضان واعزمها بس انا خايفه من اسلوب مرات اخوك احمد
خالد مالها سهير يا منال
اسكت يا خالد بتكلمنى باسلوب وحش جدا
معلشى يا منال هى عزومه اجمع اخواتى وولادهم وخلاص واتحملى على نفسك شويه
عنيه يا خالد هستحمل رخمتها علشان خاطرك
تسلميلى يا منال امشى انا اجيب الطلبات علشان تلحقى تعملى الفطار وصحى البنات تساعدك
لا يا خالد سبهم شويه يريحوا
يا منال صحيهم يسعدوكى علشان يتحملوا المسؤليه
حاضر يا خالد هصحيهم
وانا هعزم اخواتى بالموبيل واروح شغلى
الف سلامه يا خالد
صحيح يا منال عندك سمن
طبعا يا خالد انت عارف انا بعمل ايه كل سنه بجمد القشطه بتاعه اللبن واحفظها فى اكياس واول ما ييجى رمضان بسيحها وبتكفينى شهر رمضان كله
ربنا يخليكى ليه يا منال ست بيت بصحيح انا محظوظ انى خدتك
ربنا يخليك لينا مع السلامه يا خالد
الله يسلمك يا رب
جيهان الوتار
