التكافل والاحساس باليتيم اهم الوصايا عيد الاضحى
كتب عمر الاصور
امسح دمع يتيم قصيدة كتبها باحساس راقى شاعر شاب سيصير له شأن كبير فى عالم الشعر والادب انه الشاعر السودانى الموهوب احمد ابكر محمد علي..
امسح دمع يتيم
كنا صغار يوماتي بنحلم
بلقمة هنية وكباية شربات
زي اطفال جيرانا ابواتهم غنايا
في حجواتهم بابي ومامي
وانا اخوي بنمسح دمعات اوجاعنا
اريت لو كان ابونا معانا
وامنا بقربنا زي اماتهم
لكن اقدرانا كبرنا برانا
بنار اليتم الحارق طبعو
وجع الطفل المات أباه
في يوم العيد بتظهر
اطفال الحلة عليه ينادوا
ده الولد الميت باباه
وده الولد الماتت امه
وسط احزان الوصف الخنجر
وفقت غصةنازلة دموع
تتحدر ليه الوصف الجائر ظالم
يتيم م اخترت الموت لابوي وامي
كل نظراتهم لينا بي معني
كأن الكون الواسع ما بجمعنا
خلوا البينا فواصل وبين اطفالهم
اولاد كايسين تسلية لعب ترفيه
ونحن عشمنا في ماما وبابا
زي ما الناس بيقولوا حيجو راجعين
فضلنا بنحلم نحلم أعوام وسنين
لما كبرنا عرفنا الموت حق يقين
هدول الناس غشونا وضحكوا علينا
كانوا يطبطبوا ويهدوا فينا
اخويا الصابر نحنا كبرنا
تعال نشوف شنو واجبنا
داخل الحي وفي حارتنا
نواسي يتيم صباح العيد
يحس الفرحة زي اقرانو
واولاد الحي واطفال جيرانو
بلسبة جديدة وجنيه في جيبو
ضحكة طفل يتيم تعادل المايلة
مهما نعمنا تروح حياتنا الزايلة
نمسح رأسه ونرحم يتمو
قول شفيعنا رسول الامة
يلا معايا نبادر بكره
عيدهم علينا ارسم بسمة
في وجه طفل يتيم .
