إلى جنة الخلد يا كل شهيد / بقلمي طه هيكل

cairo1

***************************
فكرونا
يمكن ننسى
ولا ف يوم نأسى
فكرونا بعجزنا
وذلنا وقهرنا
بحلم ضاع مننا
فكرونا يوم نسينا الشهيد
وأمه بتبكي يوم العيد
وأبوه واقف هنااااااك بعيد
خايف يبص ف وجهه
أو يدقق ف ملامحه
لينطق ويهنيه بالعيد
ويقول يابا جبت لك لبس جديد
وحلم جديد
مد إيدك يابا استلم شهادة ابنك
عمره ماخان عمره ماباع
ده واقف زي الأسد
ع الحدود
مع الجنود
لابسين شعار البلد
اللي كان
طول عمره
بيفتخر
إن مصر هي أمه
وشايلة عنه كل همه
ولا بنت الشهيد مستنياه
شايل في إيده
لعبة تفرحها
وتخاف تجرحها
دي غالية عليها
وأرملة الشهيد
وقد كانت ترنو
لباب البيت في انتظاره
وقد باتت ليالي
تمني النفس باللقاء
دخل عليها ملفوفا
في علم بلاده
ففقدت الوعي
والنطق والعقل
وفكرونا وفكرونا
ومتنسوش تدعونا
وأنتو بتتكرموا
وبتتصوروا
مع السادة المسؤولين
واحنا سلمنا أمرنا
لرب العالمين
إلى جنة الخلد يا كل شهيد

Related posts