انا بنت مصر المحروسة بعشق حروف مصر
انا جيت مصر المنصورة بميلاد النصر
انا يوم ميلادى يا مصر. كان عزة بيكي وليكى وفخر
وأول كلمة سمعتها نصر وأول كلمة نطقتها مصر
انا بنت مصر المنصورة
انا نيل بيجري جوة دمى
وفى ملامحي سمرة نيلك يا وطن
وأبتسامتى فخر الشباب تمحي المحن
إسمك فى قلبي وعيونى يا مصر
يا ام الشباب الحر والقلب الجرئ
يا ام ابتسام الفجر فى عيون البرئ
حضنك وطن جواه دفا رغم المحن
جواه أمل لشموخ وقوة الوطن
جواه حنين لقلوب بتعشق وطن
رغم الجراح لقلوب حزينة م الانين
على كل شهدا الوطن زهور مصر الطيبين
لسة الحنين فى القلب فارد جناح المشتاقين
على قلب كل مشتاق لحضن الوطن
انا بنت مصر المحروسة انا بنت مصر المنصورة
كلمات / غادة الحداد
٠
