صيدة للشاعرة الأديبة/ سوسن حامد سليمان بعنوان (موش محتاجه تفكرنى

Dr.Sameh Awad

من ديوانى السادس (حبك كفايه)
موش محتاجه تفكرنى
إنى نسيتك
أنا كنت ليك
و كنت بيك
و حبيتك
و نسيت حياتى
و هنيتك
و عشت بآمال
و إترجيتك
بصيت قدامى
ما لقيتك
أتاريك خيال
ووهم طال
و سراب بيظهر
معاه طيفك
كسر الشراع
مجدافك
د انا كنت راسيه
على كتافك
نَـشلتنى شبكه
بأوصافك
دابت خيوطها
بأطرافك
لف المدى
بيا و طافك
و فضلت ألملم
فى جراحك
ما لـقتش فايده
لأفراحك
أو حتى نظره
لإنصافك
موش محتاجه
تفكرنى
إنى نسيتك

Related posts