غرقان في بحر عينيكي
تايه في ملكوتك
سفري بعيد و أنتي
زادي و زوادي
مدي الايدين مدي
شدي حبال الوصل
طال البعاد بينا
و طال ما بينا الهجر
وحشاني يا حبيبتي
وحشاني أيوه بجد
يا غنوه غنيتها
و مال معاها القلب
يا حلم أنا حلمته
صحيت لاقيته بجد
حقيقه جوايا
شاهد عليها الخلق
غرقت في بحر عينيكي
و أنا لسه ع الشط
نسيت معاكي العوم
و غرقت أنا في الحب
بحر هواكي غويط
و أنا لسه ع القد.
مدي الايدين مدي
و شدي حبال الوصل
بقلم علاء عبده.
