كتب – أيمن بحر
هل تعرف ليه الصقر لما بيصطادوه … بيدفنوه في الرمل ويتركو راسه ويسكبوا الماء عليها ؟؟
كتير من الاحرار – مايعرفوش المعلومة دى إن “الصقر” بيطير حر – و شخصيته كطــير زي ما بشر كتير بتتمناه لنفسها … هيبة وقوة و فخامة وعزة نفس ….
“الصقر” – اول ما بيصطادوه .. بيحس بالذل والاهانه … ودا بيسببله ارتفاع وسرعه في ضربات القلب اللي بتؤدي أن القلب بينفجر ويموت … فلما بيدفنو جسمه ف الرمله ويسكبوا ماء علي دماغه ضربات قلبه بتقل ويهدي .
ودايما بيكون راسه أدام عشان ميشوفش اللي اصطاده لإنه لو شافه ، مش هيفيد بحاجه الدفن لأنه هيحس بالذل كل ما يشوف الشخص ده ادامه وهيموت من الاهانة .
و”الصقر” لما بيكبر وبيعجز ومنقاره بيضعف و يبرد ومخالبه أتبرت وجناحه تقل ومعدش شايله -بيعمل حاجه من اتنين … يا أما بينتحر ويموت نفسه لأنه متعودش يعيش ضعيف ويستنى الموت وبرده بينتحر بهيبة … يا إما بيفضل طاير لأقصى أرتفاع لحد ما قوته تنتهي ويقع يموت – يعني برضه بيموت ملك طاير مش مهزوم !!
أو بيكسر منقاره ومخالبه وبيقصقص ريش جناحه ريشه ريشه وبييتحمل ألم رهيب وجوع كافر لمده كبيره … بس بعد حوالي 20 يوم بيرجع زي أول مره طار فيها خفيف وقوي وحاد واتولد من جديد دا كله عشان ميكونش ضعيف !!
مش بس كدا دا بيحتوى العش اللى بناه مع الأنثى بتاعته وبيحب صغاره وأنثاه جدا علشان كدا بيخاطر كتير علشان يحافظ عليهم !!!!
عمركم شوفتوا عزة نفس وهيبه كده ؟!!!!
لذلك أنا أعشق حياة الصقور وأحترمها جدا وأقتبس منها العزة والكرامة .
وعيش صقر ولا تخاف غير الله .
