الطعميه:
فنون مطبخية
دينا جمال رفاعي
المقادير: نص كيلو فول مدشوش / 2 بصله متوسطه الحجم مقطعين / 8 فصوص توم كبار / 2 حزمه كزبره خضرا مقطعه / 2 حزمه بقدونس مقطع / 1 بطاطس وسط مقطعه مكعبات / ( بيضه ، ملح ، كمون ، كزبره ناشفه ، بيكربونات صوديوم ، سمسم )
الطريقه :
1- ننقع الفول المدشوش قبلها بيوم 12 ساعه تقريبا
2- نغسل الفول كويس اوي
3- في طبق كبير نحط كل المكونات علي بعض الفول والكزبره الخضرا والبقدونس والبصل والتوم والبطاطس ونقلب كويس
4- نفرم كله المكونات مع بعضها مرتين في المفرمه
5- نقسمها في اكياس ونحطها في الفريزر كل كيس يبقي اكله يعني منحطش كميه كبيره في كيس واحد علي قد الوجبه وخلاص
6- لما نحتاج نعمل منها نطلع كيس من الفريزر ونسيبه يسيح او يفك ونحط عليه رشه ملح وكمون وكزبره ناشفه وبيضه ورشه بيكربونات صوديوم ودي علي حسب لو مش موجوده مش لازم
7- نبدا نشكلها ونحط علي وشها سمسم بردو علي حسب الرغبه ونقليها في زيت وبالف هنااااا
8- جربوها بجد حلوه اوي وطبعا مضمونه واحسن من الجاهزه بكتييييييير ، جربوها ساندوتشات عيش بلدي وجبنه وطماطم وجرجير وادعولي
