كباب تركي بالفول الصويا مع سلطة الزبادي
مطبخ العائلة
شيف محمد بقشيش
المقادير:
نص كيلو لحمه مفرومه / كوبايه فول صويا منقوع نص ساعه ومتصفي كويس ومفروم في الكبه / ملح / فلفل / جوزة الطيب / بقدونس مفروم مش كتير / بصله مفرومه ناعم / معلقتين زيت كبار
سلطة الزبادي بالخس:
علبه زبادي / فصين توم مفروم / خس مقطع صغير / رشه بابريكا للتزين
الطريقه:
الفول الصويا يكون جاهز ومفروم لوحده في الكبه وبعدين نضيفه علي اللحمه وعليهم البصل والبقدونس خفيف خالص مش كتير والتوابل ملح وفلفل وجوزه الطيب ونقلب كله حلو اوي
وبعدين نعملهم زي اقراص ونحطها في مقلايا فيها معلقتين الزيت ونسبها لحد ما تستوي ونقدمها
سلطه الزبادي :
نحط الخس علي الزبادي وفصين التوم ونقلب وعليها رشة بابريكا ونقدمها
( الكباب ممكن نضيفله رشه كمون ورشه كسبرة وممكن نشيل البقدونس خالص يعني حسب الرغبه)
