الفراخ الزنجر و البطاطس المقليه بتتبيلة الزنجر
مطبخ العائلة
شيف محمد بقشيش
الطريقة:
صدور فراخ ونقطعها بالطول وندقها لحد ما تكون رقيقه وبعد كده نتبلها بملح وفلفل اسود وثوم بودر وبصل بودر وبابريكا وزعتر وشطة او معلقه هريسة شطة ورشة جنزبيل ونسبهم في التلاجة مش اقل من 3 ساعات
طريقة الخليط الاول :
في طبق غويط هنحط دقيق و 2معلقه نشا ومعلقه من كل التوابل الي حطيناها على الفراخ ونزود الشطة ونقلبهم كويس وبعدين نحط بيضه نضربها مع الخليط وبعد كده نحط ميه ونقلب لحد ما يكون الخليط سميك زي عجينه الكيك بعد كدة هنزل فيها الفراخ
طريقة الخليط التاني :
في طبق غويط هنحط دقيق وباكينج باودر وكورن فليكس مكسر ورشه ملح هنشيل الفراخ من الخليط الاول نحطها في الخليط التاني ونقلبها فيه كويس ونشيلها في الفريزر ربع ساعه تمسك نفسها ونطلعها ونقليها في الزيت
البطاطس :
هنقطع البطاطس صوابع وننقعه في تتبيله الزنجر (الخليط الاول)ونطلعها ونقليها في الزيت عالطول
وبالف هنااا
