(صندوق خشب)
========
بقلم / محمد حسن
صندوق خشب عهده لكل شهيد
وعلم مزهر شكله لسه جديد
وأربع أسود شايلينه على أكتافهم
وموسيقى بتدق بحماس الحرب .. أصله شهيد
صندوق خشب .. بقى مدخل الجنه
جواه عريس فى دمه إتحنه
معرفش نحزن عليك … و قلوبنا تتأنى
ولا نزفك عريس … فى طريقه للجنه
صبرك يا أم الشهيد …
معلش حبه صبر
ده نصر ربك أكيد
ومش نهايته القبر
صندوق خشب فى الدنيا
فى الأخره مليون قصر
ومادام …. كرامه وطن
وما دام حبيبتى مصر
يا إما عزه و نصر
يا إما ييجى الفجر
دورى … فى صندوق خشب !!!!!
