كتبت / فاتن زين جريده أخبار العالم مصر بين يديك
لمسة وفاء من أسرة العلوم رمز الاخلاق والذوق الرفيع بمدارس السويدي الرسمية للغات بإقامة حفل تكريم موجهي العلوم الاستاذ صلاح عطية أحمد موجه عام الأحياء والاستاذة آمال رمزي عبدالسيد موجه عام الكيمياء بمديرية التربية والتعليم بالشرقية لبلوغهم سن المعاش ظهر اليوم الخميس 2019/10/17
وحضر حفل التكريم الاستاذ محمود العوضي مدير المدرسة والسادة وكلاء المراحل الاستاذ سعيد السيد اسماعيل والاستاذ عبد اللطيف ابووردة والاستاذ يوسف الحديري ولفيف من هيئة التدريس والاخصائيين بالمدرسة
وفى نهاية الحفل قامت أسرة العلوم ( الاستاذ عادل صلاح الشناوى الشناوى، الاستاذ عادل عبدالعزيز محمد سيد، الاستاذ اسامة احمد عمر شريف، الاستاذة بسنت فاروق السيد محمد، الاستاذ ابراهيم سلام) بتقديم هدايا رمزية تقديرا لمسيراتهما الحافلة بالعطاء في خدمة العملية التعليمية .. متمنين لهما التوفيق فى حياتهما المستقبلية،
وختم الحفل الكريم بفقرة شعرية من الاستاذ خالد عبد الفتاح معلم خبير تربية رياضية باتلمدرسة \يا خلق هوه خارج معاش..
ما بحبهاش الكلمة دى ما بحبهاش..
يعنى إيه كلمة معاش
ده انت بالذات اللى عاش
ده انت غربلت الليالى
ده انت هننت الأمانى
وابتسمت لحلم لسّْه ما ابتداش..
وفرشت عمرك ع الطريق
الكل عدى ماهمناش
وياك فهمنا المسألة.. وازاى نهد المشكلة
ما تهدناش..
ما بحبهاش الكلمة دى.. ما بحبهاش
يعنى إيه كلمة معاش
ده انت بالذات اللى عاش
ياما طمنت اللى خايف
حتى لو فى الرأى خالف
امتى ضاع الحق .. قدامك بلاش
* * * *
وزرعت قلبك ع الحدود
وحصدت لقمة ما كلتهاش
ووقفت قدام الديابة
وحرمتهم دم الغلابة
المطحونين بالانفتاح والانكماش
ما بحبهاش الكلمة دى ما بحبهاش
* * * *
يا خلق هوه.. إيه المعاش
أنا لسّْه دورى ما انتهاش
يعنى أعد كراسى بيتى !
ولا أصاحب ضل حيطى
ولا أدخّل كل أفكارى الجراش !
يا خلق هوه.. إيه المعاش
أنا ضى روحى ما انطفاش
لسّْه فى الأنفاس أجل
لسّْه فيه عزم وأمل
لسّْه فى القلب انتفاضة وانتعاش..
* * * *
يا خلق هوه.. إيه المعاش
هيه لقمة أو مترين قماش ؟
القضية حاجة تانية
حاجة فارقة فى كل ثانية
خدتوا أحلى عمرى قسط
ليه بترموا الباقى كاش
ما بحبهاش الكلمة دى ما بحبهاش
و في نهاية الحفل الكريم حرص الجميع على التقاط الصور التذكارية.
