من سنين كتير قوى ومن اول ما اتعلمت اكتب وامسك قلم
حلفت انى فى يوم مزور ولا يوم هكرر كلمت عتاب
حلفت امسح دمعة يتيم لا عمرى شفته ولا يربطنى بيه غير بس الآلم
حلفت كمان انى هطبطب قوى على ام الشهيد اى شهيد
ومش مهم اعرف ايه السبب ليه مات كده او مات كده
حلفت اخد حق كل مطلقه ظلمها جوزها والزمن ورماها بره حياته بكوم عيال
حلفت لكشف عن كل خاين للبلد واكتب بالاسامى وتعرفو معايا
مين اللى سرق ومين اللى حرق ومين اللى باع زميله وعشرة سنين
حلفت وحلفت وقعدت أحلف ونسيت ان فى يوم ..
انا قلمى اتكسر .. قلمى اتعصر حصره وندم
على ناااااس كنت بحسبهم نضاف ..
على ناااااس كنت بحسبهم للشرف عنوان كرم
على نااااس انا كنت بأمنهم انا على كل حاجه ..
على ضحكتى وعلى فرحتى وعلى دمعتى
لقتهم فى يوم نزلوا قلمى المزاد ..
ودخل قلمى معاهم يجى 100 قضية
وده يقرب يشترى ويعلى السعر فى المزاد
شوفى قلمك ده بكام .. شوفى فكرك ..شوفى عقلك .. يساوى ايه
وقبل ما تكررى ترفعى بس الثمن ..
لازم تعرفى ان سعر القلم بقا فى التراااااب
اى قلم .. وكل قلم ملوش عندنا اى حساب
هو حساب واحد وسعر واحد
وأحدد انا بس الثمن
وعليكى تقبضى وتكتبى اللى انا اقول عليه ..
ولازم تعرفى لو انتى قلتى لا ..
فى مليووووون غيرك يقول امين
وهتندمى وهتزعلى ومش هيكون لقلمك اى صوت غير من هنا ..
وبجد قلبى اتعصر خيبه وآلم على اللى افتكرته سنين شرررريف
وبكل شجاعه واصرااااار مش ندم قلتها وبصوت عاااااااالى قوى
لو ااااالف قلم ممكن يبيع .. وكمان مليووووون ممكن يخون
فكره وقلمه لحضرتك
قلمى انا سعره محااااال !!!
يبقا سيتك عشت الخيال وزى مطلعة فوق قووووى ..
زى ما هتنزل نزول عقيم نحكى عنه حكااااوى السنين
ولو حضرتك بعت قلمك زمان واشتروك برخص التراااااااب
وانت عارف وقررت تبيع عشان حلم السنين
مش كل قلم زى قلمك ممكن يوافق عالمزاد
مش كل عقل زى عقلك يتباع كده بارخص ثمن
عقلك عقيم محتاج سنين عشان يكون عقل سوى
وهفكرك وهعرفك انا كل ماكتب هكتب عليك
اتفرجوا يا مثقفين على الاعلامى الكبير اللى باع قلمه ببيضه ورغيف
اتفرجوا كمان على البرامج التافهه اللى عامل فيها مشخصاتى ومطبلاتى
وظاهر قدام كل اااااالبشر بصورة ملاك شررريف
واتفرجوا عشان تعرفو احنا ريحين على فين
طول ما فى مزاد للقلم ومسرح كبير الكل بيحكى بخيبه وندم
هنقف كلنا محلك سر
وهستمر وهستمر .. انا مع قضية قلم
