قصيدة : سحر الصوابع ….؟؟؟؟؟
&&&&&&&&
للشاعرة / سوسن رمضان
اول لقانا كتاب
اوله اهداء
واخرته ع الرف
جواه ضمير الحرف
ينطق بامضاءك
افتح بقي كتابك
واقرأ تعاويزك واكتبني ع الهامش ..
(عشقي غوا ذاتِك
عاشق ملذاتِك
يكفيني ما فاتك
اسقيني من عطشك
شهد الحياه ذاتِك )
…….
وانا اللي كنت
ما كنت …حسيت ولا عايشة
تحييني غير لمسة
سحر الصوابع ..عزفها ف الكف
همسة ..بحبك …لما تخطفني
كما طبطبة ع الدُف
اوبوسة خطف ف اخر الترماي
(مكتوب علي ضهر التذكرة )
للتذكِرة….
العشقُ…
..العشقُ طارقٌ يؤذنُ في بكارةِ الروحِ كي يرفع صلاة الشوقِ حنيناً ويمضِي…..
ويمضي العمر ويمر …..
و ازاي يمر …مرار القهوة
ف العادة
واحسها زيادة
بتبل ريق الحنين
وتزيد جماله جلال
كل الكلام يتقال
من بين شفايفك عنب
ويفوت ليالي الوعد سكرانة
والعشق للموعودين
والابريا بزيادة …..
يا سلام ياست
( وانت معايا يصعب عليا رمشة عنيا ولا حتي ثانية )
سوسن رمضان
