فكوا المربوط،
*************
فَكُّوا المربوط بقى سايب
حبل الوداد صَبَحْ غايب
حتى السؤال ماعاد لله
ولاكلمة إِزَّيَكْ بقت لله
غير لما تتصالح المصالح
وتبقي نسايب
فكوا المربوط جدايل
والخيط صبح دايب
لا يُسْتُرْ جِتَّة ولا…..
فَرْشِتُه عادت …..
تِسَاعْ الف من الحبايب
فكوا مربرط اللسان
صبح ثعبان سِمُّه صايب
يِبُخُّه عليك يَمَوِّتْ فيك
كل فرح يدق بابك
خد لك م السم نايب
بقت دوامة ولوامة
لناس تايهه
وَخْدَاهَا هموم
تِدَوَّر ع علي الخير
فتلقى قهر وضيم
وناس عايشة تِعَبِّي في سوادها
بفخر عظيم
نار الْغِلْ جُوَّاها طَايْلَاهَا
بتحرق حتى فيها
قلب رحيم
وناس فاكرينها من صوان
صنم مرجوم
وهي في الأصل هَشَّه
من جُوَّه وم المظاليم
دا ميغركش صلابتها
و قسوتها مجرد وِشْ
بِتْدَارِي فيه طيبتها
لجل مايغلبها الدمع
وتنكسر منها هيبتها
وعجبي
**************
مايسة إمام
