فراخ ناجتس بالشوفان:
فنون مطبخية
دينا جمال رفاعي
المقادير: فراخ صدور مفرومه / زيتون اخضر حلقات / شوفان / فلفل رومي مفروم / ملح وفلفل / بودره توم وبودرة بصل / بابريكا / توابل فراخ / قرفه / توابل مشكله / توابل الكباب / دقيق / بيض عليه رشه فلفل اسود / بقسماط / قطاعات اشكال مختلفه
الطريقه:
1- نفرم الفراخ ومعها التوابل الملح والفلفل والبابريكا وبودره التوم والبصل وتوابل الفراخ والمشكله والقرفه وتوابل الكباب
2- نفرم الفلفل الرومي والزتون لوحدهم بس فرمه بسيطه في الكبه ونحطهم علي الفراخ ونقلب كله كويس
3- الفراخ هتبقي سايبه معنا شويه بدل ما نزودها دقيق او بقسماط نحطلها الشوفان عشان تبقي مفيده ونقلب كله كويس لحد ما نحس اننا نعرف نفردها ونقطعها بالقطاعات
4- نفرد الفراخ علي كيس بلاستيك ونحط تحتها دقيق وفوقيها دقيق رشه كده تساعدينا في التقطيع بس ونحطها في دقيق وبيض وبقسماط ونرصها في صنيه وندخل الفرن علي 160 درجه نص ساعه ونقدمها وبالف هنااااا
( طبعااا حلوه جداااا للااطفال وهيفرحو بيها اوي وكمان يشاركونا فيها وقت التقطيع )
( ومن غير زيت كلها في الفرن والشوفان فيها مفيد جدا)
