(………..)
عمك عمران
رايح الغيطان
وراكب على
ضهر الحمار
والست سماح
شايلة المفتاح
والبط مالى
وسط الدار
بيتها كبير
مفروش بحصير
جواه حاجات
متقولش آثار
كان احلى جواز
لا شبكة ولاجهاز
عايشين على سرير
ولمبة جاز
والبيت كان طين
وقلوب بحنين
السقف خشب
مسنود بعكاز
وولاد الناس
عايشة باخلاص
بسرير واسع
بعمدان بنحاس
والست احلام
بتبيع ف حمام
اكتر كلامها
كله افلام
أهلها تجار
وراجلها نجار
هما اتورثو فى
الغيط والدار
وعمك عبد العال
شغال بقال
ومخلف 6عيال
مصاريف كتير
وهوه اللى يشيل
ماهو حمل
بيهد الحيل
وصاحبنا نصير
حلاق حمير
وراجل خبير
بس على كبير
واخد شهرة
ولا مشاهير
والشيخ كمال
بيفك الأعمال
والناس عايشة
على قد الحال
راجل بطال
وفى الفرح طبال
ومفيش عنده
رحمه و فصال
كلمات محمد احمد شعلان
قصة
عمك عمران….للمبدع/ محمد احمد شعلان
