شبابك يامصر مع فريق الخير زفتي بعيون شبابها
الاعلامية رانيا عثمان
تكلم الاستاذ محمد سند مؤسس فريق زفتى بعيون شبابها عن فكرة الفريق وكيف خرجت للنور وتحدث قائلا :-
البداية خالص انا انسان بسيط مغترب مثل ملايين المغتربين محب لوطنى جدا وعاشق ترابها فى يوم كنت بزياره لصديق ليا بالرياض وبعدين قالى تعالى فيه لقاء مع وزيرة الهجره بالسفاره روحنا وسمعناها لاقيناها بتوصينا على بلدنا وبتشجعنا نساهم فى نهوضها ونبتكر هيا انسانه محترمه جدا وأسلوبها حرك فيا شيىء جوايا وسالت نفسى اساعد بلدى ازاى محبتش الطرق التقليديه انى اتبرع بجهاز عروسه او حاجه بمستشفى جتنى فكره مخلصه ربنا هدانى ليها انى انزل بصفحات زفتى افكارى من مشاريع مثل الطفطف ومصنع غسيل وتعبئة خضراوات ومشاريع اخرى لحل ازمة التكاتك والشهر العقارى وخلافه كنت بنشر ومش عارف الصفحات دى تبع مين لكن اى صفحه فيها كلمة زفتى كنت اقوم بطرح افكارى وقولت لازم كل شاب يتطوع لخدمة بلده ومنافع الناس كلاً بتخصصه ساعتين فى الأسبوع بكل التخصصات لقيت فيه شباب عجبته الفكره كلمت شاب يعمل بيدج وجروب قولتله اكتبه باسم زفتى بعيون شبابها علشان الشباب يرسمو بلدهم بعيونهم واختصيت الشباب لان هما الامل وهما بريق الشمس لمستقبل افضل وخايف عليهم من اليأس وقولت الفكره دى معموله بيهم يجملو بلدهم وليهم و نحاول نقف جنبهم وبالفعل بشهر 7 الماضى نشرت الفكره على البيدج وبدأ شخصيات عامه أمثال الدكتور محمد شتا والاستاذ محمد وهدان والاستاذه شريهان الجندى والاستاذه سماح هلال والدكتور علاء سعيد والشاب احمد وليد فنون جميله والشابه هبه جمال فن تشكيلى والشابه اسماء فريخه والشابه دينا الشيخ فنون جميله والشاب أسامه الجندى والشاب محمد الجندى والشاب حسام الطليمى كليات اداب وتجاره وشباب كتير اتطوعو بالفكره بدأنا بنطافة حرم المسجد الكبير ونزلت اولادى ليلى ومصطفى معاهم واشتريت على حسابى 50 قميص و30 مقشه و10 بالطوهات لفنون جميله وجوانتيات وكمامات علشان يكون شكلهم راقى ويأدو رساله مجتمعيه واخدت بالاسباب الإخلاص التجرد حب الوطن ومنافع الناس بدون مصالح شخصيه وقولت علشان الفكره تنجح لازم التجاره مع ربنا ناديت بمبادره لاطبائنا يتطوعو معانا بالكشف بالمجان وبالفعل أتطوع 16 طبيب شاب بتخصصات مختلفه وحتى الان 90 حاله تم الكشف عليها بالمجان عن طريق رسايل صفحتنا ونبعتها لاطبائنا المتطوعين بالمجان ولقيت ابواب ربنا بتتفتح وجملنا مسجد اهل المنطقه بعتولنا رساله وجهزو الدهانات والتيم جمل المسجد كله من الخارج وقبلها نزل التيم ينظف بشارع البحر يكنس ويدهن وبقي فيه بلدوزرات وتجميل أشجار وتجميل جزيرة بيع المصنوعات وفيه اتنين شباب سهرو يومين يجملو سلالم المعديه الشاب وهبه الجمل قسم زخرفه والشاب ليدو احمد وليد فنون جميله ودى كانت قبل العيد بيومين واسعدت شعب زفتى جدا بعدها 10 شباب اشتركو بعمل بورتريه على واجهة معدية العسال من التيم لا للمخدرات بصورة صلاح للتوعيه من شرب المخدرات وطبعا انا ساهمت بكل الألوان السلالم والبورتريه زوجتى كانت عندى اجازه قولتلها على الفكره وانى عايز اعمل حاجه لبلدى ولاخرتى وعاهدتها ان دا مش هيكون على حساب مصروف بيتى قسمت رغيفى ورزقى بين الفكره العظيمه دى وبين بيتى وزوجتى الاستاذه فاطمه سليمان نزلت مصر وشاركت مع التيم بالمدارس وكانت سعيده جدا هيا واولادى وهما بيشاركو بعمل خير وحتى الان تم تجميل 18 مدرسه على أكمل وجه نشرت على صفحتنا اى مدرسه محتاجه تجميل مدير المدرسه يبعت رساله وبالفعل لاقة نجاح كبير والمدارس بالجهود الذاتيه كانت بتجهز الدهانات والالوان والتيم بالمجان متطوع من خطاطين أمثال الفنان حماده ودح وشباب فنون جميله وشخصيات عامه وعملت نظام ان مفيش وسايط وبترتيب الفاعليات وانا اللى بدير الفكره بكل التخصصات وانا اقل الناس وعملت ورشه للمتطوعين بكل التخصصات فيها حتى الان 180 متطوع معظمهم من الشباب بكل التخصصات لخدمة الوطن ومنافع الناس كله بالمجان والتيم اتكرم من الاداره التعليميه ومن المدارس واستضافه القناه السادسه واحنا محتاجين دعم من الجهات التنفيذيه علشان بالصيف عايزين نجمل الميادين والشوارع ونشارك بالراى للصالح العام لخدمة بلدنا من افكار وفكرتنا مبنيه على عدم المصالح الديقه لفكرة كلها خير ولا تأخذ دعم من احزاب ولا رجال اعمال علشان كدا قولت انى هتبرع بتاسيس جمعيه باسم الفكره مع التعاون مع الجهات التنفيذيه فقط وباذن الله الشهر القادم هنمشى بتاسيس جمعية زفتى بعيون شبابها واملى بلدنا بالمخلصين والشباب تبقه بلدنا جنه
