ساليزون بالجبنة الفيتا:
فنون مطبخية
دينا جمال رفاعي
المقادير: كوبايه الاربع تقريبا جبنة فيتا مصفيه من المايه ( 125 جرام ) / اقل من نص كوبايه زبده لينة ( 100 جرام ) / كوبايه ونص دقيق / ربع معلقه صغيره بيكنج باودر / رشة ملح / كمون حب / حبة البركة / سمسم / بيضه مخفوقه عليها رشه فلفل اسود
الطريقة:
1- اول حاجه نحط الزبده علي الجبنه ونضرب بالمضرب الكهربا لحد ما تبقي كريمي
2- وبعدين نحط الدقيق والبيكنيج باودر ونقلب بقي من غير مضرب ونحط شويه كمون حب ورشه الملح ونقلب ونلم العجينه كلها هتبقي معانا ناااعمه جداااا وملمسها رااائع
3- نفردها بالنشابه ونقطعها بقطاعات اشكال زي ما تحبو والمتوفر
5- في صنيه نحط ورق زبده ونرصهم جنب بعض مش لازم نسيب مسافات كبيره عشان هتنفش لفوق بس وندهن الوش بالبيضه ونحط علي شويه سمسم وشويه حبه البركه وشويه كمون
6- وتدخل الفرن علي 170 كده تقريبا يكون سخن قبلها شويه ربع ساعه ونبص عليها لو لونها بقي تمام من تحت بنقفل ونفتح الشوايه الوش ياخد لون ونقفل ونطلعها تبرد ونقدمها وبالف هناااا 😉😉😉
( حاجه كده سهله جدا وسريعه والشغل بالعجينه بتاعتها الناعمه جداااا ممتع 😍 وريحتها وطعمهاااا تحفه زي الجاهزه 😉 )
