حوار. عن فرحة مصر للشباب. والبنات بمصر
🎙️ الإعلامية نرمين جمعة
المتحدث الرسمي باسم رئيس الحملة المصرية لدعم الدولة للإعلام السياسي
✍️ المستشار الإعلامي والسياسي خميس إسماعيل
مؤسس ورئيس مجلس إدارة الحملة المصرية لدعم الدولة للإعلام السياسي
س/ الإعلامية نرمين جمعة:
يا فندم، ناس كتير جدًا نفسها تتجوز لكن الأسعار والظروف واقفة قدامهم… هل في جديد يطمنهم؟
ج/ المستشار خميس إسماعيل:
الحقيقة فيه خبر مهم ومفرح جدًا. وزارة التضامن الاجتماعي أطلقت مبادرة باسم «فرحة مصر» تحت رعاية السيدة انتصار السيسي، وهدفها تخفيف أعباء الجواز ومساعدة الشباب يبدأ حياته من غير ديون ولا ضغوط.
س/ الإعلامية نرمين جمعة:
مين الفئات اللي تقدر تستفيد من المبادرة دي؟
ج/ المستشار خميس إسماعيل:
المبادرة موجهة للشباب والبنات من الأسر الأولى بالرعاية، ومستفيدي تكافل وكرامة، وخريجي دور الرعاية والأسر البديلة، وذوي الإعاقة القادرين على تكوين أسرة.
س/ الإعلامية نرمين جمعة:
طب هل في شروط للاستفادة؟
ج/ المستشار خميس إسماعيل:
آه، شروط بسيطة جدًا:
يكون الجواز أول مرة للطرفين، عقد القران ميعدّيش عليه سنة، ومحدش يكون استفاد من دعم مشابه قبل كده.
س/ الإعلامية نرمين جمعة:
هل الدعم تجهيزات فقط؟
ج/ المستشار خميس إسماعيل:
لا، وده الأهم. فيه تأهيل نفسي واجتماعي من خلال برنامج «مودة» علشان الزوجين يتعلموا إزاي يعيشوا سوا ويحلوا مشاكلهم ويبنوا حياة مستقرة. يعني بنجهّز حياة مش بيت بس.
س/ الإعلامية نرمين جمعة:
طب التسجيل بيكون إزاي؟
ج/ المستشار خميس إسماعيل:
من خلال منصة إلكترونية اسمها «تيسير الزواج»، والتسجيل متاح طول السنة ومن غير تعقيدات.
✍️ أنا وقلمي وقهوتي – خميس إسماعيل
مبادرة «فرحة مصر» مش مجرد دعم مادي… لكنها رسالة إن الدولة شايفة ولادها وبناتها وبتساندهم في أهم خطوة في حياتهم. الجواز بداية حياة، والدعم في البداية دي ممكن يغيّر مصير أسرة كاملة.
حوار. عن فرحة مصر للشباب. والبنات بمصر 🎙️ الإعلامية نرمين جمعة
