رثائي في مروض الكلمه
سمو الأمير بدر بن عبدالمحسن
رحمه الله و اسكنه الفردوس الأعلى
بقلم :-دكتور عصام حمزة بخش
بدر الوطن
يا نجمة الليل بدرك بالسماء ما غاب
مروض الكلمه اللي بالقلوب ما راح
الفارس اللي تزاحم باسمه الألقاب
وبيرقه بالسما شامخ أبد ما طاح
وحرفه اللي مزونه تسقي الأعناب
تمطر وهو يبتسم من داخله مرتاح
الفارس اللي رحيله جَرّح .. الأهداب
و اوجع فراقه يراع الشعر والأرواح
الشاعر اللي بصوته تيم الاحباب
كالسيف تلقى قصيده خيله الجَمّاح
واليوم نرثي فراقه والزمن ما طاب
حتى نسيم الصباح ما عاد به وضاح
بدر الوطن في شموخه غيمةٍ و سحاب
وصوتك اللي من اسماع الوتر ما راح
