الشاعر حلمي سلامة يرثي شهداء الوطن
لما ترجع م الأجازة
الشاعر / حلمي سلامة
لماترجع مالاجازه
هات معاك باتو وفايش
وادعى ربك لما ترجع
ابقى يومها لسه عايش
اصلنا شيلين حياتنا فوق كفوفنا
مانت عارف
اصلنا عاهدنا روحنا
نلغى من بينا المخاوف
احنا حصن امان يامصر
لكل واحدفيكى خايف
احنا ليلنا يفوت علينا
فى القنابل والقزايف
لماترجع اوعى تنسى
هاتلى مكتوب مالحبايب
هتلى حضن كبير من امى
قولها مالبعد دايب
قولها حبك فى قلبى
عمره لحظه مايبقى غايب
لماتوصل قول لابويا
ان طول البعدقاتل
قوله انى باحمى ضهره
وانى فى الاعداء بقاتل
قوله اوعى يخاف عليا
قوله ابنك مصرى راجل
اوعى تنسى ياحبيبي
خلى كل الدنيا تشهد
انى بالروح بافدى بلدى
بافدى ابويه وافدى اخويا
وافدى ارضى وافدى ولدى
بس لسه بدعى ربي
يوم ماتيجى ابقى عايش
لماترجع مالاجازه
هات معاك باتووفايش
