قصيدة بعنوان
(الحظوظ؟؟؟؟؟!)
لا الحظوظ بتنباع
ولا بنشتريها بفلوس.
العمر ولى وضاع.
والمتعوس على
طول متعوس.
سبحان من خلق
الحظوظ لو الحظ
لعب لعبته ومره
إيجه يمتي ألاقي
في الكيكه دبوس.
ماهو المتعوس متعوس
لو علقوا على
بابه فانوس………..
لو إتكلمنا ليهم مره
بالعدل ونيتنا كانت
سليمه وضمرينا
من جوانا نضيف
يقولوا لنا كلامكم
نا قص له غموس.
نزوق كلامنا
ونحط على وشه
كام ورده ونعطره
يعيبوا فينا بكوم
غلط ويطلعونا
تيوس……
لو حبيناهم وإتمرمغنا
في حبهم ودوبنا
وقولنا بنحبكم
والله العظيم
بنحبكم………
يقولوا الراجل باينه
إنهبل بعد ماكبر
وشاخ إتهتل
وأصبح…….
العقل فيه مهووس.
بقينا بنشد
شعرنا وأنعي على
حظنا الهباب.
وأتمتم على غلطتي
وأقول المنحوس
منحوس ……..
وأعد على سبحتي
منحوس منحوس
منحوس منحوس.
الدنيا تسيب الكل
وتلبس توب القرف
وتحضن في بالقوي
وتبوس.
الغربه واخداني دحفله
من يوم ما بدأت أشم
نفسي وأقول على
نفسي واد فتوى
وحليوه وصبي
خدتني من
وسط العيال
مينشنا بالزناد.
على نحيتي
تقولش مصوب العيار.
وأنا كنت ليها
الهدف من بين
جميع الرووس
ومين إل قال
إن الحظوظ
بفلوس …….
كام واحد من
إل أعرفه
قالو لي يا أخي
إحمد ربك لساك
واقف على رجلاك
وإل زيك مات
من كام سنه
وفي التراب وفي
القبور محبوس.
يخرب بيت أبوا
إل جاب أبوكم
حاسدني على وقفتي
وناسين ضهري
إل إنكسر
وكأنهم بيقدموا لي
عروس………….
سبحان من خلق
العجايب حتى
إل عايشه جوا قلبي
ومتربعه بتطنطط
على أم سحنتي
وعلى رقبتي
بالجامد وتدوس
ولو غلبها الشوق
والهوى ونفسها تعمل
متيمه وتقول كام
كلمه تنعنش الفؤاد
وتفرفشه تنقي
من أم كوم
الهموم وتشيلك
ياتعمل فيها واعظ
وتدي دروس.
ملعون أبوا الحلم
إل كل ليله
بنحلمه يطلع
لينا في آخره
كابوس
9/9/2022
(ترنيمات وخواطر.بقلم……….)
(شاعر العاميه/خيرى حسني.)
( الحظوظ) للمبدع* خيري حسني*
