متابعة:-ابراهيم سالم المغربى
بقلم عميد/محمد عبد القادر
طالع تهتف وتصرخ وتزيط …………..ضد مين
ضد بلدك يا غبي …………ولا ضد رب العالمين
إن كان على الفيروس ………ده إبتلاء من الإله
يبقى إنت إيش تعمل …….يا نطفة من ماء مهين
**********
طول عمرِك يا إسكندرية ………..أهلك مفتحين
إيه اللي وقعكم في فخ منصوب ……..يا مغفلين
نسيتم أساليب أهل الشر …………و تجار الدين
ولا لأسوأ سنة في تاريخ بلدكم ….خدكوا الحنين
**********
شوف رحمة ربك ………….على عباده الطيبين
أقل نسبة إصابة ……….كانت بينكم يا مصريين
وإن كنت زعلان قوي …….إن فيه ناس بتموت
إدعي ربك يا أخي..هو يعني كان رد دعوة لمين
**********
أما إغلاق المساجد مؤقتا فله أصل في السابقين
مش بدعة يعني …ولا خروج على صحيح الدين
ولما الدولة عملت كدة ………..كان قصدها إيه
تحمي نفسها يعني ؟…….ولا تحميكم يا مؤمنين
***********
إحذروا حد يجركم …………..لصراع تاني لعين
وإلتفتوا حواليكم وشوفوا بلدكم مكانه أصبح فين
وإياك تسمعوا لشياطين …..ليكم ولبلدك كارهين
وخليكم دايما زي ما عهدناكم متجمعين متوحدين
===========================
بقلم/ محمد عبد القادر
24/3/2020
أولاد الأبالسة
