بقلم: فتحي الحصري
حب الدنيا وحب الناس
واوع تبطل حب
اوع في يوم تغضب وتقول
انا بطلت احب
لو بطلت تحب هاتبقى
عايش من غير روح
وإيه فايدتها الدنيا لما
تعيشها من غير قلب
لما القلب يدق هاتلقى
كل الدنيا براح
هاتبقى شايفها جنة كبيرة
فيها عبير فواح
فيها الحلم بيبقى ملون
وبيعزف ألحان
والحزن بيهرب من قلبك
يتبدل افراح
لما تحب هاتصبح روحك
صافية وطايرة لفوق
فاردة جناح العشق بتسبح
بين الفضا والشوق
أصل الحب حلاوته تخللي
كل الناس أحباب
اوع حياتك تهرب منك
وتعيش من غير حب
من هلوساتي
