(( إيه العمل ))
أمل أمين الخولي
كنت فاكرة
وإني جنبك
أي صعب أكيد يمر
ومهما يعاندني زماني
تبقى ليا سند وضهر
ما خدت منك غير كلام
وحط فوقه وجع وقهر
انت ايه ،
مخلوق من إيه؟
وقلبك ده إيه ؟
زي الحجر
إحساسه مات
حتى ماضيك
خلصت عسله
وتقول ده كان
علقم ومر
أنت زي التلج بارد
جوا منه روحه غابت
وقت ما النور يلمسه
كل المشاعر فجأه دابت
أنا كنت لك طيف من أمل
وجاي يصحصح جوا منك
اللي صار غير مٌحتمل
وأنت بقساوتك ويا غدرك
طفيت ضياه
قولي بربك ..
بالله عليك
طب إيه يكون فيك العمل ؟؟؟
#أمل_أمين
#Felicite_World
#رحالة
