حوار : خلود وحيد
فى ظل الظروف التى تمر بها بلدنا الحبيبة سيناء يظل الشباب يفكر و يبتكر لرفعة راية مصرنا الغالية ليكون نواة للشباب نفتخر بة ف المحافل ليظل الشباب هو عصب هذة الامة وقلبة وكان لنا لقاء مع اصغر فاشون بشمال سيناء
اية عبد الناصر من اصغر الفاشون ديزاين عندها 23 سنه
متى بدات مؤهبتك ؟
1_بدأت وانا عندي 18سنه من اكتر من خمس سنين كان كل اللي في سني بيفكر هيدخل ايه هيكمل تعليمو ازاي وانا كنت بدور ازاي ابدء واتعلم اكون مصصمه ازياء كان شغف عندي من وانا صغيره كنت دايما مختلفه عمري ملقيت قطعه ملابس تناسبني ف السوق من شكل ولا لون كان عندي ذوق فريد بيا كنت دايما احب اكون مختلفه بدأت اتجه لمحلات القماش وارسم التصميم واروح لاي خياطه واعمل الديزاين اتعاملت مع ناس كتير لحد مقررت اني عايزه اتعلم وعايزه اعمل بنفسي شغلي ويبقي ليا اسم وبراند ليا بشغلي مش كتير شجعوني وقالولي مش هتفعي
الكليه افضل وتعليم احسن وأنا شوفت آني ف الآخر هيكون معايا شهاده وخلاص ،وأنا هكون ف حته تانيه خالص وفعلا مشيت في طريق نفذت أول هدف ليا وتعلمت وبدأت مشواري وصلت وبدأت على السوشيال ميديا من سنتين تقريبا بهشتاج #مترموش لبسكم القديم ودلوقت بقى ليا أسم براند خاصه ليا للفساتين “الشانزليزيه”
وكنت دايما انا اللي بعرض شغلي بنفسي من غير موديل بدأت بنفسي اعمل دعايا وترويج كنت اصمم والبس واخرج اتصور ،الان من هوياتي التصوير والمنتاج
2-ايه المشاكل اللي واجهتك
اكيد كتير بس كنت كل حفره اقع فيها كنت بقوم اقوي من الاول وارجع تاني وبص بعيني علي حاجات مكنتش فاهمها وبعيد حسابتي تاني وارتب حياتي دايما مؤمنه ان ربنا مابيجبش اي حاجه وحشه فعلا وكله خير حتي لو ساعتها شوفته انه اسوء حاجه حصالتلي وانه خير لينا بس بندركه مع مرور الوقت ونحمد ربنا ان كل دا حصل عشان مكناش هنفهم ولا هنوصل إلا بالشكل اللي ربنا رتبهولنا واهم شئ اننا نرضي (الرضا)
3_اكتر حد مشجعك
امي وزوجي وبعدين صحابي وقرايبي الكل مصدر دعم
4-شايفه نفسك فين بعد خمس سنين
نفسي البراند بتاعتي “الشانزليزيه ” اشوفها بتكبر قصاد عيني واكون فعلا فاشون ديزاين عالميه ستايليست للشمهورين واتطور اكتر في مجال الميديا واتعلم اكتر فن التصوير والماركيتنيج واكبر بشغلي
واتمني اكون من ضمن السيدات المؤثرين بالعالم
5-حابه تضيفي حاجه اخيره “نصيحه”
الهدف” لازم يكون عن اي شخص هدف في الحياه يعني انتا لو مش محدد هدفك في بدايه الطريق ومش عارف عايز ايه عمرك مهتوصل للنجاح وتكون عامل خطه لفسنك وعارف انتا عايز ايه وهتوصله ازاي, والموضع مابيجيش من يوم وليله عايز وقت ومجهود ودراسه
هوا صعب لاكن يستاهل
زور الجروب
https://www.facebook.com/groups/401890406601636/?ref=share
انستجرام
https://www.instagram.com/tv/CEVKFfPphgS/?igshid=1ech12uvfqam4
